જોડીયા તાલુકાના લખતરથી માવનું ગામ સુધીના નેશનલ હાઈવે રોડ નંબર ૧૫૧-એ ઉપર  ઉપર અલગ અલગ ગામ પાસે લગાવવામાં આવેલા ઇમરજન્સી કોલ બોક્સમાં ફીટ કરવામાં આવેલી જુદી જુદી ૨૩ જેટલી બેટરીઓની કોઈ તસ્કરો ચોરી કરી ગયા હતા.

ગત તા. ૨૪ જાન્યુઆરીથી તા. પ ફેબ્રુઆરીના સમયગાળા દરમિયાન જોડીયાના માવનુ ગામ લખતર હાઇવે સુધીના વિસ્તારમાં અલગ-અલગ જગ્યાએથી ૨૩ બેટરીની કિંમત  રૂ. ૮૦ હજાર ચોરી થઈ ગયાનું જોડીયા પોલીસ મથકમાં જાહેર કરાયું છે, અને રામનારાયણ રૂપરામ જાટ દ્વારા પોલીસ ફરિયાદ નોંધાવવામાં આવી છે, જે ફરિયાદના અનુસંધાને જોડિયા પોલીસે તપાસના ચક્રો ગતિમાન કર્યા છે.