શહેરના હનુમાન મઢી પાસે રહેતા નેપાળી પિતા–પુત્ર ઝઘડો કરી રહ્યા હોય પાડોશી શખસ સમજાવવા આવ્યો હતો. દરમિયાન આ શખસે પરિવારની દીકરી પર નજર બગાડતા તેને આવું કરવાની ના કહેતા ઉશ્કેરાય છરી વડે પરણીતા પર હત્પમલો કરી દીધો હતો. હત્પમલામાં ઘવાયેલ પરિણીતાને સારવાર માટે હોસ્પિટલ ખસેડવામાં આવ્યા હતા.

બનાવની જાણવા મળતી વિગતો મુજબ, હનુમાન મઢી એરપોર્ટ રોડ પર ભંગારના ડેલા પાસે રહેતા પાબેન રામબહાદુર પરિહાર (ઉ.વ ૪૦) નામના નેપાળી પરિણીતાએ ગાંધીગ્રામ પોલીસ સ્ટેશનમાં નોંધાવેલી ફરિયાદમાં આરોપી તરીકે અહીં હનુમાન મઢી પાસે જ રહેતા સમીર ફકીરનું નામ આપ્યું છે. મહિલાએ પોતાની ફરિયાદમાં જણાવ્યું હતું કે, ગઈકાલે તેમના નણદં સુશીલાબેન તથા તેમના પતિ પ્રકાશભાઈ અને તેમની દીકરી બધા અહીં ઘરે રાત્રિના જમવા માટે આવેલ હતા. ત્યારે જમવા બાદ રાત્રીના સાડા દસેક વાગ્યા આસપાસ તેમના પતિ રામબહાદુર અને પુત્ર સાગર વચ્ચે કોઈ બાબતે બોલાચાલી થઈ હતી અને બાદમાં બંને વચ્ચે ઝઘડો થયો હતો.

દરમિયાન અહીં લોકો એકત્ર થતાં પાડોશમાં રહેતો સમીર ફકીર અહીં આવ્યો હતો અને તે પિતા પુત્રને સમજાવતો હતો ત્યારે અહીં નણંદની દીકરી હાજર હોય સમીર તેના તરફ જતો હતો જેથી તેને તેની પાસે જવાની ના પાડતા તે એકદમ ઉશ્કેરાઈ ગયો હતો અને ગાળો આપવા લાગ્યો હતો બાદમાં તેણે નેફામાંથી છરી કાઢી મહિલાને કપાળના ભાગે એક ઘા ઝીંકી અહીંથી નાસી ગયો હતો હત્પમલામાં ઘવાયેલા મહિલાને સારવાર માટે હોસ્પિટલ ખસેડવામાં આવ્યા હતા. ત્યારબાદ તેમણે આ ફરિયાદ નોંધાવી હતી. જેના આધારે પોલીસે ગુનો નથી જરી કાર્યવાહી કરી છે.