મૃણાલ ઠાકુરએ અજયની હિરોઇન બનીને જલવા વિખેર્યા

અજય દેવગનનાં ફેન્સને એની અપકમિંગ મુવી ‘સન ઓફ સરદાર 2’ ને લઇને સુપર એક્સાઇટેડ છે. અજય દેવગન અને સોનાક્ષી સિન્હાની મુવી સન ઓફ સરદાર વર્ષ 2012માં રિલીઝ થઇ હતી. આ ફિલ્મને જબરજસ્ત રિસ્પોન્સ મળ્યો હતો. ત્યારે આ ફિલ્મએ બોક્સ ઓફિસ પર છપ્પરફાડ કમાણી કરી હતી. બોક્સ ઓફિસ પર શાહરુખ ખાન અને કેટરીના કૈફની ફિલ્મ જબ તક હૈ જાન સાથે મુકાબલો હતો. આ ફિલ્મની જબરજસ્ત કામયાબી પછી મેકર્સ એક દશક કરતાં પણ વધારે સમય લીધો અને ફરીથી પડદા પર લાવવા માટે તૈયાર છે. આ ફિલ્મની સિક્વલની તૈયારીઓમાં લાગી ગયા છે. ફિલ્મનાં શૂટિંગનો પહેલો વીડિયો લીક થઇ ગયો છે.આ ફિલ્મમાં સોનાક્ષી નથી પરંતુ મૃણાલ ઠાકુરએ પંજાબન બનીને કીરદારમાં જીવ રેડી દીધો છે.
ટ્ટવિટર પર નમન પંડિત નામના હેન્ડલે એક વીડિયો શેર કર્યો છે, જેમાં લખ્યું છે કે મૃણાલ ઠાકુર પૂરી રીતે પંજાબી ગેટઅપમાં જોવા મળી રહી છે. જે જોઇને લાગે છે કે અજય દેવગનની ફિલ્મ સન ઓફ સરદાર 2 માટે પરફેક્ટ કાસ્ટિંગ છે. આ હેન્ડલે દાવો કર્યો છે કે આ સન ઓફ સરદાર 2 નાં લીક ફૂટેજ છે. જેમાં તમે જોઇ શકો છો કે મૃણાલ ઠાકુર પિંક કલરનાં પંજાબી સૂટમાં છે. જેનાં પર એક્ટ્રેસે પીળા રંગની કોટી પહેરી છે. આ સાથે માથા પર ટીકો પણ લગાવ્યો છે.
પંજાબણ દેખાવવા માટે વાળમાં પરાંદા પણ લગાવ્યો છે. મૃણાલ ઠાકુરની આસપાસ ભારે ભીડ જોવા મળી રહી છે. શૂટિંગ માટેની રાહ જોઇ રહેલાં લોકોને જોઇને લાગે છે કે શૂટિંગ ઇન્ડિયામાં નહીં, પરંતુ બીજા કોઇ દેશમાં ચાલી રહ્યું છે.
સન ઓફ સરદાર 2ની સ્ટારકાસ્ટ ખૂબ ભારેખમ હોઇ શકે છે. આ ફિલ્મમાં અજય દેવગન અને મૃણાલ ઠાકુર સિવાય સોનાક્ષી સિન્હા પણ મહત્વની ભૂમિકામાં હશે. સંજય દત્ત પણ આ વખતે ફિલ્મનો રોમાંચ વધારશે. કુબેર સૈત ફિલ્મનો અહમ હિસ્સો છે. વિજય અરોરા ફિલ્મને ડાયરેક્ટ કરી રહ્યાં છે.