વિશેષમાં મહાપાલિકાની ટેક્સ બ્રાન્ચના અધિકારી સૂત્રોએ આજના રિકવરી ડ્રાઇવની વિગતો જાહેર કરતા જણાવ્યું હતું કે લાંબા સમયથી ચડત મિલકત વેરો ભરતા ન હોય તેવા રીઢા બાકીદારો સામે મિલકત સિલિંગ ઉપરાંત તેમનું નળ જોડાણ કપાત કરવાનું પગલું લેવામાં આવી રહ્યું છે.

દરમિયાન આજે વોર્ડ નં.૧માં આરતી વિધ્યાલયમાં ૧-યુનિટની નોટીસ સામે રીકવરી રૂ.૧.૭૦ લાખ, વોર્ડ નં.૩માં જામનગર રોડ પરા આવેલ ગાંધી સોસાયટીમાં ૧ યુનિટના બાકી માગના સામે સીલની કાર્યવાહી કરતાં રીકવરી રૂ.૯૨૧૯૧, રેલ નગરમાં ૧ નળ કનેક્શન કપાત સામે રીકવરી રૂ.૧.૩૫ લાખ, વોર્ડ નં-૫માં પેડક રોડ પર આવેલ મીરા કોમ્પ્લેક્ષ ગ્રાઉન્ડ ફ્લોર શોપ નં-૬/૭ ના બાકી માગના સામે સીલની કાર્યવાહી કરતાં રીકવરી રૂ. ૫૧,૨૦૦, ન્યુ શક્તિ સોસાયટીમાં ૧-યુનિટના બાકી માગના આમે સીલની કાર્યવાહી કરતાં રીકવરી રૂ.૩૦,૦૦૦ ચેક આપેલ, પેડક રોડ ઉપર આવેલ રતનદીપ સોસાયટીમાં ૧-નળ કનેક્શન કપાત, વોર્ડ નં-૭માં ટાગોર રોડ પર આવેલ શ્રી ક્રિષ્ના કોર્નાક-૦૨ ફર્સ્ટ ફ્લોર ઓફીસ નં-૫ સામે સીલની કાર્યવાહી કરતાં રીકવરી રૂ.૭૬,૦૦૦,

સરદાર મેઇન નગર રોડ પર આવેલ ૧-યુનિટના બાકી માગના સામે સીલની કાર્યવાહી રીકવરી રૂ.૮૫,૨૦૦, ગોંડલ રોડ પર આવેલ જીમ્મી ટાવરમાં ઓફીસ નં-૧૬, ૨૧ ૩૨, ૩૪, ૩૫ ને સીલ, ગાયત્રીનગર મેઇન રોડ પર આવેલ અનિરૂધ્ધ કોમ્પ્લેક્ષ ફર્સ્ટ ફ્લોર શોપ નં.૧ ને સીલ, ગુંદાવાડીમાં આવેલ શેરી નં-૪ માં ૧-યુનિટને સીલ, વોર્ડ નં-૧૫માં આજી ઉદ્યોગ નગરમાં ૧-યુનિટના બાકી માગના સામે સીલની કાર્યવાહી કરતાં રીકવરી રૂ.૬૭,૬૧૦, વોર્ડ નં.૧૮માં ગોંડલ રોડ પર આવેલ ૧-યુનિટને સીલ, ૮૦ ફૂટ રોડ પર આવેલ સ્વાતી પાર્કમાં ૨-યુનિટના બાકી માગના સામે સીલની કાર્યવાહી કરતાં રીકવરી રૂ.૧.૧૩ લાખ ની રિકવરી કરવામાં આવી હતી.

ઉપરોક્ત કામગીરી નાયબ કમિશનર સી.કે.નંદાણી તથા આસી.કમિશનર સમીર ધડુક, સેન્ટ્રલ ઝોન મેનેજર વત્સલ પટેલ ,સિદ્ધાર્થ પંડ્યા ,ભાવેશ પુરોહિત,વેસ્ટ ઝોન મેનેજર મયુર ખીમસુરીયા,ફાલ્ગુની કલ્યાણી ,ઇસ્ટ ઝોન મેનેજર નીલેશ કાનાણી, ગૌરવ ઠક્કર સહિતના અધિકારીઓના માર્ગદર્શન હેઠળ વોર્ડ લેવલ સ્ટાફ દ્વારા કાર્યવાહી કરાઇ હતી.