પોરબંદરના છાયા વિસ્તારમાં બે જગ્યાએ સીટી મામલતદાર દ્વારા ડીમોલીશન કરાવીને આઠ કરોડની જમીન ખુલ્લી કરાવવામાં આવી છે. 
પોરબંદરના છાયા વિસ્તારમાં નાગા હાજા કચરાએ અંદાજે ૪૫૦૦ ચો.મી. જમીન કે જેનો ભાવ અંદાજે છ કરોડ કહી શકાય એ જમીન પર દબાણ કરીને નાળિયેરીના છોડ વાવીને કાચી-પાકી દિવાલ બનાવી લીધી હતી અને આ જમીનનો કબ્જો ગેરકાયદેસરનો હોવાનુ જણાવી સીટી મામલતદાર બી.બી. સંચાણીયાએ તેને નોટીસ પાઠવી હતી પરંતુ દબાણ દૂર કરવામાં નહી આવતા પોરબંદર શહેર સર્કલ ઓફિસર, ડી.આઇ.એલ.આર. કચેરીના સર્વેયર અને છાયાના સીટી તલાટીની ટીમ દ્વારા દબાણ ખુલ્લુ કરવામાં આવ્યુ હતુ અને બજારકિંમત પ્રમાણે છ કરોડ બે લાખની જમીન ખુલ્લી કરાવવામાં આવી હતી. એજ રીતે કોઇ અજાણ્યા શખ્શોએ ૪૦૫૦ ચો.મી.માં છાયા  વિસ્તારમાં જ દબાણ કર્યુ હતુ. બે કરોડ ત્રણ લાખની કિંમતની આ જમીન પરનું દબાણ થયુ હોવાનુ બહાર આવતા તંત્રએ તેનુ પણ ડીમોલીશન કરાવ્યુ હતુ.