પોરબંદર પાલિકાના સેનીટેશન કમિટીના ચેરમેને વોર્ડ નં-૩ ની મુલાકાત લીધી હતી અને સફાઇ કામદારોની હાજરીનું અચાનક જ ચેકીંગ કર્યુ હતુ.
પોરબંદર-છાંયા નગરપાલિકાના સેનિટેશન કમિટીના ચેરમેન લાખાભાઇ ભોજાભાઇ ખુંટી તેમજ પુર્વ પ્રમુખ ભોજાભાઈ કાનાભાઈ ખુંટીએ વોર્ડ નં-૩ ના નરસંગ ટેકરી વિસ્તારની મુલાકાત લીધી હતી તેમજ સફાઈ કામગીરીનું નિરિક્ષણ કર્યું હતું તેમજ હાજરી સ્થાન પર હાજરી ચેકીગ કરવામાં આવી હતી. તેમજ કામદારોને કડક સુચના આપવામાં આવી હતી કે, કોઈપણ કામદારો બેસતા પકડાશે અથવા કામગીરીની જગ્યા પર હાજર નહી હોય તેની ગેરહાજરી કરવામાં આવશે અથવા કાયમી ધોરણે છુટા કરવામાં આવશે તેમજ કામગીરીમાં કોઈ વોર્ડમાં પબ્લીકની ફરીયાદ આવવી જોઇએ નહી તેવી સુચના આપવામાં આવી હતી.જેમાં હાજર સેનિટેશન કમિટીના ચેરમેન લાખાભાઇ ભોજાભાઇ ખુંટી તેમજ પુર્વ પ્રમુખ ભોજાભાઈ કાનાભાઈ ખુંટી તેમજ હેલ્થ ઓફિસર જગદીશભાઈ ઢાંકી હાજર રહ્યા હતા.