ભાવનગર શહેરના રૂવાપરી રોડ પર આવેલા પાટા પાસેથી બે વર્ષની બાળકી મળી આવતા એસઓજી પોલીસે તેના માતાપિતાને શોધી અને બાળકીને સલામત રીતે સોંપી આપી હતી. પોતાના ઘરથી ભૂલી પડી જતા પાટા સુધી પહોંચી હતી. અને કુતરાઓ ભાસતા હોવાથી પોલીસને શંકા જતા તપાસ કરતા બાળકી મળી આવી હતી.
ભાવનગર એસઓજી પોલીસ મથક ખાતેથી મળતી માહિતી અનુસાર એસઓજી ટીમ ભાવનગર શહેરમાં રાત્રીના ચોરી વગેરે ગુન્હાઓ અટકાવવા માટે રાત્રીના પેટ્રોલીગમાં હતા. ત્યારે એસ.ઓ.જી. શાખાના ઇન્ચાર્જ પોલીસ ઇન્સ્પેકટર એ.આર.વાળા, હેડ.કોન્સ. જયવીરસિંહ ચુડાસમા તથા પો.કોન્સ. ધર્મદિપસિંહ જાડેજા તથા ડ્રાઇવર ધર્મેન્દ્રસિંહ સરવૈયા રાત્રીના પેટ્રોલીગમાં હતા. તે દરમ્યાન રૂવાપરી ચોક પાસે આવતા રેલ્વેના પાટ્ટા પાસે કુતરાનાઓ ભસવાનો અવાજ આવતા પોલીસની ટીમ શંકાના આધારે જગ્યા જઈ તપાસ કરતા રેલ્વેના પાટ્ટા પાસે રેતીના ઢગલા ઉપર બે વર્ષની બાળકી બેઠી હતી. અને કુતરા તેને ભસતા હતા. જેથી તે દિકરીને કુતરા થી બચાવીને લાવી અને બાળકીના માતાપિતાની માહિતી અંગે તપાસ હાથ ધરી હતી. એસઓજીની ટીમે તપાસ કરતા આ બાળકી એકસલની પાછળ મફતનગર ખાતે રહેતી હોવાનું માલુમ પડ્યું હતું. અને તાત્કાલિક પોલીસ ટીમ બાળકીના ઘરે પહોંચી તેના પરીવાર કંચનબેન કિશનભાઇ વાધેલા (બાળકીના માતા)ને સોપી આપી પોલીસ મિત્ર તરીકેની સરહાનીય કામગીરી કરી હતી.