પોરબંદર જિલ્લામાં હાલ મોટી માત્રામાં પરપ્રાંતીય મજૂરો જુદા જુદા ઉદ્યોગો અને ખેતરો સહિત મચ્છીના દંગામાં કામ કરી રહ્યા છે ત્યારે પોલીસ દ્વારા મચ્છીના દંગામાં તપાસ હાથ ધરવામાં આવી હતી.
પોરબંદર જિલ્લામાં ક્રાઇમની ઘટનાઓને અંજામ આપનારા તત્વોમાં પરપ્રાંતીયોની સંખ્યા નોંધપાત્ર હોય છે. બહારના જિલ્લામાંથી અહી આવીને ગુન્હાખોરી આચરતા તત્વોની માહિતી એકત્ર કરવા માટે અને તેમને કામે રાખનારાઓની સલામતી માટે જાહેરનામુ બહાર પાડવામાં આવ્યુ છે જેમાં પરપ્રાંતના આવા ઇસમોને કામે રાખ્યા હોય તેની વિગત પોલીસને આપવાની હોય છે ત્યારે પોરબંદરના સુભાષનગર, જાવર સહિત લકડીબંદર વિસ્તારમાં આવેલા મચ્છીના દંગાઓમાં મોટી માત્રામાં પરપ્રાંતીય ઇસમો કામ કરી રહ્યા હોવાથી પોલીસ દ્વારા ત્યાં તપાસ હાથ ધરવામાં આવી હતી અને તેમને કામે રાખનારા માલિકોને પણ આ મુદ્ે સૂચના આપવામાં આવી હતી.