૧૫ વર્ષ પછી અમેરિકામાં અભ્યાસ કરતા વિદેશી વિધાર્થીઓમાં ભારતીય વિધાર્થીઓની સંખ્યા સૌથી વધુ થઇ ગઈ છે. ૨૦૦૯ પછી પહેલીવાર ભારતે અમેરિકામાં અભ્યાસ કરતા વિદેશી વિધાર્થીઓની સંખ્યાના મામલે ચીનને પાછળ છોડી દીધું છે.ઓપન ડોર્સ ૨૦૨૪ના લેટેસ્ટ રિપોર્ટ અનુસાર, ૨૦૨૩–૨૦૨૪માં લગભગ ૩.૩ લાખ ભારતીય વિધાર્થીઓ અમેરિકામાં અભ્યાસ કરી રહ્યા છે, જે અમેરિકામાં અભ્યાસ કરતા ૧૧ લાખ વિદેશી વિધાર્થીઓના ૨૯.૪ ટકા છે. છેલ્લા શૈક્ષણિક વર્ષમાં, ભારતીય વિધાર્થીઓ આંતરરાષ્ટ્ર્રીય વિધાર્થીઓની સંખ્યામાં ૨૫.૪ ટકા હતા. આ રીતે, ૧૫ વર્ષમાં પ્રથમ વખત, ભારત આ યાદીમાં ટોચ પર છે.
૨૦૨૩–૨૦૨૪માં અમેરિકામાં અભ્યાસ કરતા ચીની વિધાર્થીઓની સંખ્યા ૨.૭૭ લાખ છે. ગયા શૈક્ષણિક વર્ષમાં ૨૭.૪ ટકાની સરખામણીએ આ વખતે તે ઘટીને ૨૪.૬ ટકા થયો છે. રિપોર્ટ અનુસાર, અમેરિકામાં ભારતીય પોસ્ટ ગ્રેયુએટ વિધાર્થીઓની સંખ્યા ૧.૯૬ લાખ છે, જે ગયા વર્ષની સરખામણીમાં ૧૮ ટકા વધી છે. ભારતમાં અંડરગ્રેયુએટ વિધાર્થીઓની સંખ્યામાં ૧૩ ટકાનો વધારો થયો છે.
ભારતે ૩.૩ લાખથી વધુ વિધાર્થીઓને યુએસ મોકલતા, વાર્ષિક ધોરણે ૨૩% વૃદ્ધિ નોંધાવી છે.બીજી તરફ હવે ટ્રમ્પ કઈ નીતિ અપનાવે છે તેના પર ભારતીયોની નજર રહેશે. ઉલેખનીય છે કે ભારતીય મૂળના રહેવાસીઓ અમેરિકામાં ઘણા મહત્વના હોદ્દા ધરાવે છે.
અમેરિકામાં ભારતનો આ વિકાસ યુકેમાં તેની કામગીરીનું પુનરાવર્તન કરી રહ્યો હોય તેવું લાગે છે. ૨૦૨૨–૨૩માં ૩૯%ના વધારા સાથે ૧.૭ લાખ વિધાર્થીઓ અને ચીનને પછાડીને ભારત યુકેમાં બિન–ઈયુ વિધાર્થીઓનો ટોચનો ક્રોત બન્યો. જો કે, નવા રાષ્ટ્ર્રપતિ ડોનાલ્ડ ટ્રમ્પે તેમના પ્રથમ ભાષણમાં જે પ્રકારના નિર્ણયોની વાત કરી હતી, તેના કારણે ભવિષ્યમાં ભારતીયોને અનેક પડકારોનો સામનો કરવો પડી શકે છે

અમેરિકાએ આંતરરાષ્ટ્ર્રીય વિધાર્થીઓ પાસેથી ૫૦ અબજ ડોલરની કમાણી કરી
૨૦૨૩ માં, અમેરિકા આંતરરાષ્ટ્ર્રીય વિધાર્થીઓ પાસેથી ૫૦ બિલિયનની કમાણી કરશે, જેમાંથી ૨૦% ભારતીયો હતા. મોટાભાગના ભારતીય વિધાર્થીઓ (૬૪.૫%) જાહેર સંસ્થાઓમાં નોંધાયેલા છે, યારે બાકીના ૩૫.૫% ખાનગી યુનિવર્સિટીઓમાં અભ્યાસ કરે છે. ઇન્ટરનેશનલ સ્ટુડન્ટસ ઇકોનોમિક ઇમ્પેકટ ૨૦૨૩ મુજબ, યુએસ અર્થતંત્રમાં ભારતીય વિધાર્થીઓનું યોગદાન નોંધપાત્ર હતું, જેણે ૨૦૨૩માં ૧૧.૮ બિલિયનની કમાણી કરી હતી.

ભારતીયો માટે વિઝાની સમસ્યા પણ વધી શકે
ડોનાલ્ડ ટ્રમ્પે તાજેતરમાં સ્ટીફન મિલરને નીતિ માટે ડેપ્યુટી ચીફ ઓફ સ્ટાફ તરીકે નિયુકત કર્યા છે. મિલરની નિમણૂક ગેરકાયદે અને કાયદેસર બંને ઇમિગ્રેશનને કડક બનાવવા તરફ નિર્દેશ કરે છે. આવી સ્થિતિમાં વિઝા લઈને અમેરિકામાં રહેતા હજારો ભારતીયોને પણ તેની અસર થઈ શકે છે. ટ્રમ્પના અગાઉના કાર્યકાળ દરમિયાન મિલરે પણ આવી જ આક્રમક નીતિ અપનાવી હતી અને તેના કારણે અમેરિકામાં સ્થાયી થયેલા હજારો ભારતીય પરિવારોને મુશ્કેલીનો સામનો કરવો પડો હતો. કેટલાક નિષ્ણાતોનું માનવું છે કે આ આંકડાઓ જોયા બાદ ટ્રમ્પ પોતાની ઈમિગ્રેશન નીતિને વધુ કડક બનાવવાના નિર્ણયનો અમલ કરી શકે છે.

યુએસમાં ગેરકાયદે ઇમિગ્રન્ટ ગુજરાત અને પંજાબમાંથી
તાજેતરના વર્ષેામાં, ગુજરાત અને પંજાબમાંથી મોટી સંખ્યામાં લોકો ગેરકાયદેસર અમેરિકા ગયા છે. આમાંથી ઘણા એવા છે જેઓ મેકિસકો અને કેનેડા થઈને અમેરિકા પહોંચે છે. હવે યારે ટ્રમ્પએ તેના ઇરાદા જાહેર કર્યા છે, ત્યારે આવા લોકોની દેશનિકાલની સંખ્યામાં વધારો થવાની ધારણા છે.અમેરિકાએ આંતરરાષ્ટ્ર્રીય વિધાર્થીઓ પાસેથી ૫૦ અબજ ડોલરની કમાણી કરી

આ આંકડો ટ્રમ્પને કેમ નારાજ કરી શકે છે
ખરેખર, આ વખતે ટ્રમ્પનું ધ્યાન ગેરકાયદેસર રીતે અમેરિકા આવતા લોકોને રોકવા પર છે. આ વાત તેમણે જીત બાદ પોતાના ભાષણમાં પણ દોહરાવી છે. આ જ કારણ છે કે નિમણૂક કરતી વખતે તેઓ એવા અધિકારીઓની પસંદગી કરી રહ્યા છે જેઓ તેમની યોજનાનો કડક અમલ કરી શકે. નિષ્ણાતોનું માનવું છે કે ટ્રમ્પની કડકાઈ વર્ક વિઝા પર કાયદેસર રીતે અમેરિકામાં રહેતા ભારતીય ઈમિગ્રન્ટસને પણ અસર કરશે.