ભાવનગર મહાપાલિકાના એસ્ટેટ વિભાગ અને  દબાણ હટાવ સેલ દ્વારા શહેરના રીંગરોડ પર આવેલા દબાણો હટાવવા જતાં એક શખ્સે ભારે હોબાળો મચાવ્યો હતો. અને ઉઘાડા દિલે ખુરશી પર બેસી તંત્રની ટીમ સામે પોતાની મૂછોને તા આપી પોતે કરેલા દબાણ હટાવવા સામે વિરોધ કરી તમાશો ખાડો કરતા લોકોને જોણું થયું હતું. જો કે મહાપાલિકાની ટીમે ભરતનગર પોલીસ ને જાણ કરતા પોલીસે આવી શખ્સની અટકાયત કરી હતી. બાદમાં તંત્રની ટીમ દ્વારા શખ્સે કરેલું ગેરકાયદેસર દબાણ હટાવી જગ્યા ખુલ્લી કરાવી હતી. આ ઉપરાંત ટોપ થ્રી સર્કલ વોર્ડ નંબર ૧૦ઓફિસની દિવાલ પાછળ આવેલા ૨ ઝુંપડા હટાવેલ અને ૧ ઓટલો તોડયો તોડી જગ્યાને દબાણ મુક્ત કરી હતી.