શહેરના રૂવાપરી રોડ ઉપર આવેલી ફેકટરી પર તોડફોડ કરી શખસોએ વેપારી પાસે ફોન ઉપર અમારા વિસ્તારમાં ફેકટરીનું બાંધકામ કરવુ હોય તો હપ્તો આપવો પડશે તેમ કહી ખંડણી માંગી શખસોએ પેઢીમાં લાગેલા કેમેરા, મીટરો, ઈલક્ટ્રીક વસ્તુઓની તોડફોડ કરી નુકસાન પહોંચાડી ધાક ધમકી આપતા ગુનો નોંધાવા પામ્યો હતો. 

શહેરના સરદારનગર વિસ્તારમાં આવેલી શ્રીરામ સોસાયટીમાં રહેતા અને રૂવાપરી રોડ પર ઉલ્લાસ ઓઈલ મીલ પાસે, રણજીતકુમાર એન્ડ બ્રધર્સ પેઢી ધરાવતા વેપારી જગદિશભાઈ ઓમપ્રકાશભાઈ રાજાઈએ ઘોઘારોડ પોલીસ મથખમાં ખેડુતવાસના આકાશ અને બે અજાણ્યા શખસ સામે ફરીયાદ નોંધાવી હતી કે, ગત તા. ૨૯ના રોજ તેઓની પેઢીએ રાત્રીના સુમારે તેઓની પેઢીએ કંન્ટ્રકશનનુ કામ શરુ હોય ત્યા શખસોએ આવી દરવાજાની તોડફોડ કરી ચોકીદારને ધમકી આપી હતી. બાદ ગત તા. ૩૦ના રોજ સવારના તેની પેઢીના પાર્ટર યશભાઈ રાજાઈ ફેકટરીએ હતા ત્યારે એક્ટીવા ઉપર આકાશ સહીત બે શખસે આવી આ તોડફોડ અમે કરી છે. અમારે હપ્તો જોઈએ છે.

તેમ કહી તેઓ સાથે ફોન ઉપર વાત કરી તમારે અમારાવિસ્તારમાં બાંધકામ કરવુ હોય તો હપ્તો આપવો પડશે તેમ કહી હપ્તો નહી આપો તો કામ અટકાવી દઈશુ અને તોડફોડ કરીશુ. બાદ તેઓને ફોન કરી તમે અમારુ રેકોડીંગ ગ્રુપમાં કેમ મુક્યુ તેમ કહી તમારે શુ કરવું છે. હપ્તો દેવાનો છે કે શુ કરવાનું છે. હુ તમને બધાને જોઈ લઈશ તેમ કહી ગત તા. ૪ના રોજ સાંજના ઉક્ત શખસોએ ફેકટરીએ આવી લાઈટના મીટરો, ઈલેકટ્રીક વસ્તુઓ અને કેમેરાની તોડફોડ કરી નૂકસાન પહોંચાડી જાનથી મારી નાખવાની ધમકી આપી હતી. ઉક્ત બનાવ સંદર્ભે પોલીસે ગુનો દાખલ કરી ધોરણસર કાર્યવાહી હાથ ધરી હતી.