લીલા શાકભાજીની સાથે બટાટા, ડુંગળી, ટામેટાંના ભાવમાં વધારો થતાં સપ્ટેમ્બરમાં છૂટક મોંઘવારી દર નવ મહિનાના સર્વોચ્ચ સ્તરે પહોંચી ગયો હતો. ગઈકાલે જારી કરાયેલા સરકારી આંકડા મુજબ સપ્ટેમ્બરમાં છૂટક ફુગાવાનો દર 5.49 ટકા નોંધાયો હતો જ્યારે આ વર્ષે ઓગસ્ટમાં ફુગાવાનો દર 3.14 ટકા હતો. સપ્ટેમ્બરમાં કઠોળની સાથે શાકભાજી અને ફળોના ભાવે પણ છૂટક ફુગાવાને ટેકો આપ્યો હતો.
છેલ્લા દોઢ મહિનાથી બટાટા અને ડુંગળીના ભાવ 50-70 રૂપિયા પ્રતિ કિલોની વચ્ચે છે, જ્યારે ટામેટાના છૂટક ભાવ ગયા મહિને 60-80 રૂપિયા પ્રતિ કિલો હતા, જે હાલમાં 100 રૂપિયા પ્રતિ કિલોને પાર પહોંચી ગયા છે.
બટાકા, ડુંગળી અને ટામેટાંના ભાવમાં ઘટાડો ન થવાને કારણે ઓક્ટોબરની છૂટક ફુગાવો પણ સપ્ટેમ્બરની જેમ પાંચ ટકાથી ઉપર રહી શકે છે. આનું પરિણામ એ આવશે કે આગામી ડિસેમ્બરમાં પણ આરબીઆઈ વ્યાજદરમાં ઘટાડો કરવાની સ્થિતિમાં નહીં હોય. છેલ્લા ઘણા મહિનાઓથી ફુગાવાનો દર પાંચ ટકાથી નીચે રહેવાના કારણે, આરબીઆઈએ ગયા સપ્તાહે ડિસેમ્બરમાં વ્યાજદરમાં ઘટાડો કરવાનો સંકેત આપ્યો હતો. ગઈકાલે જાહેર કરાયેલા આંકડા અનુસાર, સપ્ટેમ્બરમાં ખાદ્ય પદાર્થોનો મોંઘવારી દર વધીને 9.4 ટકા થયો હતો જ્યારે આ વર્ષે ઓગસ્ટમાં આ દર 5.66 ટકા હતો. સપ્ટેમ્બરમાં, બટાટા, ડુંગળી, ટામેટા વગેરે સહિત કુલ શાકભાજીના છૂટક ફુગાવાના દરમાં ગયા વર્ષના સપ્ટેમ્બરની સરખામણીએ 36 ટકાનો વધારો નોંધાયો હતો. કઠોળના ભાવમાં 10 ટકા અને ફળોના ભાવમાં 7.65 ટકાનો વધારો થયો છે. સપ્ટેમ્બરમાં મસાલાના છૂટક ભાવમાં 1.39 ટકાનો ઘટાડો નોંધાયો હતો.
સરકારી ડેટા અનુસાર ઓછા વિકસિત રાજ્યોમાં રિટેલ ફુગાવાનો દર રાષ્ટ્રીય સરેરાશ કરતા વધારે છે. બિહારમાં સૌથી વધુ છૂટક ફુગાવાનો દર 7.5 ટકા હતો જ્યારે દિલ્હીનો છૂટક ફુગાવાનો દર 3.67 ટકા હતો. સપ્ટેમ્બરમાં રિટેલ ફુગાવો ઉત્તર પ્રદેશમાં 6.74 ટકા, છત્તીસગઢમાં 7.36 ટકા, હિમાચલ પ્રદેશમાં 6.20 ટકા, મધ્ય પ્રદેશમાં 5.94 ટકા અને ઓરિસ્સામાં 6.56 ટકા હતો.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationલાલપુર તાલુકા પંચાયત ખાતે સામાન્ય સભા અને કારોબારી નું આયોજન, વર્ષ 2025- 26નું બજેટ પાસ
December 23, 2024 06:05 PMજામનગર : સીટી બી પોલીસ દ્વારા ટાઉનહોલ વિસ્તારમાં આવારા બાવરી તત્વોને દૂર કરાયા
December 23, 2024 06:03 PMપૂર્વ ક્રિકેટર વિનોદ કાંબલીની તબિયત લથડી... થાણેની હોસ્પિટલમાં દાખલ
December 23, 2024 05:41 PMહવે ધોરણ 5 અને 8માં વિદ્યાર્થી નાપાસ થશે તો પછીના વર્ગમાં પ્રમોશન મળશે નહીં
December 23, 2024 05:19 PMશેખ હસીનાને બાંગ્લાદેશ પરત કરો, યુનુસ સરકારે ભારત સરકારને પત્ર લખ્યો, હસીના પર 225થી વધુ કેસ
December 23, 2024 04:50 PMCopyright © 2023-2024 Aajkaal Daily
Developed by Rhythm Infotech