વડાપ્રધાન નરેન્દ્ર મોદી આજે રશિયાના પ્રવાસે જશે. તેઓ 8 અને 9 જુલાઈના રોજ રશિયામાં રહેશે. આ દરમિયાન પીએમ મોદી 22મી ભારત-રશિયા વાર્ષિક સમિટમાં ભાગ લેશે. પીએમ મોદીને ખુદ વ્લાદિમીર પુતિને રશિયા આવવાનું આમંત્રણ આપ્યું હતું. ત્રીજી વખત વડાપ્રધાન બન્યા બાદ નરેન્દ્ર મોદીની રશિયાની આ પ્રથમ મુલાકાત હશે. અગાઉ તેઓ 2019માં રશિયા ગયા હતા. આ પાંચ વર્ષમાં ઘણા વિકાસ થયા છે. જેમ કે કોરોના, યુક્રેન યુદ્ધ, અમેરિકા-રશિયા તણાવ વગેરે. આવી સ્થિતિમાં બદલાતા સમીકરણો વચ્ચે પીએમ મોદીની આ મુલાકાત પર દુનિયાની નજર રહેશે.
બીજી તરફ પીએમ મોદીના સ્વાગત માટે રશિયામાં મોટા પાયે તૈયારીઓ કરવામાં આવી રહી છે. તેઓ આજે રશિયાની રાજધાની મોસ્કો પહોંચશે. તેમના સ્વાગત માટે મોસ્કો શહેરને દુલ્હનની જેમ સજાવવામાં આવ્યું છે. વિવિધ સ્થળોએ સ્વાગત દ્વાર બનાવવામાં આવ્યા છે. વડાપ્રધાનના સ્વાગત માટે સાંસ્કૃતિક કાર્યક્રમો પણ યોજાશે. આ માટેનું રિહર્સલ ત્યાં ચાલી રહ્યું છે. પીએમ મોદીના સ્વાગત માટે ડાન્સ અને ગીતો રજૂ કરવાની તૈયારીઓ ચાલી રહી છે. આ ઉપરાંત અનેક પ્રકારના કાર્યક્રમોનું પણ આયોજન કરવામાં આવશે. ભારતીય સમુદાયના લોકો પીએમ મોદીનું સ્વાગત કરવા આતુર છે.
પીએમ મોદી રશિયાના રાષ્ટ્રપતિ વ્લાદિમીર પુતિનના આમંત્રણ પર મોસ્કો જઈ રહ્યા છે. પુતિન પોતાના મિત્ર પીએમ મોદીને મળવા માટે બેતાબ છે. આ દરમિયાન પીએમ મોદી 22મી ભારત-રશિયા વાર્ષિક સમિટમાં ભાગ લેશે. કોરોનાના કારણે આ સમિટ ત્રણ વર્ષ બાદ યોજાઈ રહી છે. નોંધનીય છે કે પીએમ મોદી કોરોના બાદ પ્રથમ વખત રશિયા જઈ રહ્યા છે. આ પહેલા તેઓ 2019માં રશિયા ગયા હતા.
આ દરમિયાન બંને નેતાઓ વચ્ચે દ્વિપક્ષીય સંબંધોને વધુ ગાઢ બનાવવા માટે વાતચીત થશે. બંને નેતાઓ આંતરરાષ્ટ્રીય સ્થિતિ પર પણ ચચર્િ કરશે. તેઓ સૈન્ય, ટેક્નોલોજી વગેરે જેવા વિષયો પર સહયોગ વધારવા માટે વાત કરશે. પીએમ મોદી મોસ્કોમાં ભારતીય સમુદાયના લોકોને પણ મળી શકે છે. આ મુલાકાત દરમિયાન બંને નેતાઓ વચ્ચે રશિયા-યુક્રેન સંઘર્ષ પર પણ ચચર્િ થઈ શકે છે. ભારતે વારંવાર બંને દેશો પાસેથી શાંતિની અપીલ કરી છે. ભારતને તેમના વિવાદિત મુદ્દાઓને ઉકેલવા માટે વાતચીતનો માર્ગ અપ્નાવવા માટે ઘણી વખત વિનંતી કરવામાં આવી છે.