ભૂતકાળમાં પણ કર્મચારીઓનું શોષણ, વહાલા દવલાની નીતિ, પેસેન્જરો સામે તોછડું વર્તન સહિતની ફરિયાદો આ અધિકારી સામે ઉઠી છે છતાં હમ નહીં સુધરેંગે નું વર્તન અધિકારી દ્રારા ચાલુ રહેતા કર્મચારીઓમાં ભારે નારાજગી આપી ગઈ છે.હેડકવાર્ટરમાંથી તપાસ આવી હોવા છતાં પણ ગ્રાઉન્ડ એજન્સીના ઉપરી અધિકારીની મહેરબાનીથી અધિકારી સામે કોઈ અવાજ ઉઠાવી શકતું નથી અને જો અવાજ ઉઠાવે તો તેને નોકરીમાંથી કાઢી નાખવાની ધમકી આપવામાં આવે છે તેવી ચર્ચાઓ સાથે ૪૫ થી ૫૦ જેટલા કર્મચારીઓએ હવે આ ત્રાસ સહન ન કરવા માટે નિર્ણય લીધો છે અને આ અધિકારી સામે ઉચ્ચ કક્ષાએ લેખિત રજૂઆત કરી હોવાનું જાણવા મળી રહ્યું છે.
રજૂઆતમાં જણાવ્યું હતું કે, અત્યાર સુધી કંપનીની પોલીસીમાં કંપનીના કર્મચારીઓને યુનિફોર્મ માટે બીલ એજન્સી દ્રારા આપવામાં આવતું હતું પરંતુ ૨૦૧૭ થી બિલ આપવાની પ્રથા બધં કરી દેવામાં આવી છે ત્યારબાદ નાના કર્મચારીઓ જેમ કે હેનડી મેન, લોડર માટે યુનિફોર્મ ફરજિયાત નથી તેમ છતાં આ અધિકારી યુનિફોર્મ તમારે ખર્ચે કરાવવા પડશે તેવું દબાણ કરાતું હોવાની વ્યથા કર્મચારીઓએ ઠાલવી હતી.નાની વાતને મોટું સ્વપ આપીને નાના વર્ગના કર્મચારીઓને ધમકાવે છે અને જો તેમની વાત નહીં માને તો નોકરીમાંથી કઢાવી નાખીશ તેવી ધમકી આપતા છેવટે મામલો હેડકવાર્ટર સુધી પહોંચ્યો છે