ચીનમાં લગ્ન દરમિયાન એક ચોંકાવનારી ઘટના સામે આવી છે. એક માતા દ્વારા તેના પુત્ર માટે જે કન્યાને પસંદ કરવા આવી હતી તે તેની 20 વર્ષ પહેલા ખોવાઈ ગયેલી પુત્રી હતી. આ ઘટનાએ સૌને ચોંકાવી દીધા હતા. જો કે, પછી છોકરાની માતાએ એવા રહસ્યો ખોલ્યા કે બધા દંગ રહી ગયા હતા.

આ ઘટના 2021માં બની હોવાનું કહેવાય છે પરંતુ હાલમાં આ સ્ટોરી સોશિયલ મીડિયા પર વાયરલ થઈ રહી છે. એક મહિલા તેના પુત્રના લગ્નમંડપમાં જે યુવતીને જોઈને દંગ રહી ગઈ હતી અને દુલ્હન તરીકે ઘરે લાવી હતી તે ખરેખર તેની લાંબા સમયથી ખોવાયેલી તેની પુત્રી હતી.

આ ઘટના ત્યારે બની જ્યારે વરરાજાની માતા લગ્નની જાન સાથે દુલ્હનના ઘરે પહોંચી. છોકરાની માતાએ તેની ભાવિ પુત્રવધૂના હાથ પર એક વિશિષ્ટ નિશાન જોયું, જે તેની ખોવાયેલી પુત્રીના શરીર પર હતું. જો કે, પછી છોકરાની માતાએ એવા રહસ્યો ખોલ્યા કે બધા દંગ રહી ગયા હતા.

માતાએ આ રીતે કર્યો ખુલ્લાસો 
દુલ્હનના માતા-પિતાએ જણાવ્યું હતું કે તેઓને બાળકી રસ્તાના કિનારે ત્યજી દેવાયેલી મળી હતી અને તેણે તેને દત્તક લીધી હતી. આ ઘટસ્ફોટથી વરરાજાની માતાને આંચકો લાગ્યો, જેણે પછી હૃદયદ્રાવક સત્ય જાહેર કર્યું હતું. મહિલાએ જણાવ્યું કે તેની પુત્રી 20 વર્ષ પહેલા એક અકસ્માતમાં તેનાથી અલગ થઈ ગઈ હતી.

માતા અને પુત્રી વચ્ચે અણધાર્યું ભાવનાત્મક પુનઃમિલન હતું. જો કે, પરિસ્થિતિ વધુ રસપ્રદ બની જ્યારે ખબર પડી કે વર પણ મહિલાનો અસલી પુત્ર નથી. મહિલાએ તેની પુત્રી ગુમાવ્યા બાદ તેને દત્તક લીધો હતો. આવી સ્થિતિમાં મહિલાના ખુલાસા બાદ તેમના લગ્ન શક્ય બન્યા હતા.