શિયાળામાં ત્રિદોષનાશક અને શક્તિદાયક આમળાનું ધૂમ વેચાણ થઈ રહયું છે.હાલ તે ભાવનગરની બજારમાં પ્રતિ કિલો રૂ.૧૦૦ના ભાવે વેચાઇ રહ્યા છે.આમળા વાયુ, પિત્ત અને કફ એમ ત્રણેય પ્રકારનાં દોષનો નાશ કરે છે.આથી આ ત્રણેય પ્રકારની પ્રકૃતિ ધરાવતા લોકો માટે ખૂબ જ ઉપયોગી છે.આમળાનું નિયમિત સેવન કરવાથી વૃદ્ધત્વની પ્રક્રિયા ધીમી પડે છે.આથી યુવાની લાંબો સમય ટકે છે તેમ ચ્યવન ઋષિએ પ્રાચીન સમયમાં જણાવ્યુ હતુ.આમળા સ્વાદે પ્રથમ ખાટ્ટા અને પછી તુરા લાગે છે.આમળાનું ચ્યવનપ્રાશ શક્તિદાયક છે.આમળાનો મુરબ્બો, મુખવાસ વગેરેમાં પણ ઉપયોગ થાય છે.આમળાનો પાવડર બનાવી અનેક લોકો તેનાથી વાળ ધોવે છે.