હળવદ શહેરમાં વિવિધ હિન્દુ સંગઠનો દ્રારા રજુઆત કરવામાં આવી હતી કે શહેરમાં નોનવેજ ના ધમધમતા ગેરકાયદેસર હાટડાઓ બધં  કરાવો,  અવાર નવાર રસ્તાઓ પર માંસાહારના ટુકડા ઈંડા જાહેર રોડ પર અમુક તત્વો દ્રારા ફેંકવામાં આવતા જેના વિદ્ધ માં વિવિધ હિન્દુ સંગઠનોમાં  રોષ ફેલાયો હતો. હળવદ એ છોટાકાશી તરીકે જગવિખ્યાત અને હળવદ ભુદેવોઓ નગરી, ઐતિહાસિક અને સંસ્કારી નગરી છે, ત્યારે અમુક તત્વો દ્રારા ખૂણે ખાચકે નોનવેઝનુ ગેરકાયદેસર રીતે બેરોકટોક વહેંચણ થતા શહેરીજનોમાં રોષની લાગણી ફેલાઇ હતી આ બદં કરાવવા તંત્રને રજુઆત કરવામાં આવી હતી.
રેલવે સ્ટેશનના ગેટ પાસે સરકારી માલિકીની જગ્યામાં કોઈપણ પ્રકારની પૂર્વ મંજૂરી વગર ગેરકાયદેસર રીતે પતરાનો મોટો શેડ બનાવી દબાણ કરી ગેરકાયદેસર નોનવેજનું વેચાણ કરતા જે બાબતે ફરિયાદ આવતા ગેરકાયદેસર પ્રવૃત્તિ અનઅધિકૃત જગ્યા પર બધં કરેલ  નથી જેના કારણે આ ગેરકાયદેસર રીતે કરવામાં આવેલ દબાણ દિવસ ૩ માં દૂર કરવા નોટિસ ફટ કરી હતી,અન્યથા કાયદેસરની કાર્યવાહી હાથ ધરી નગરપાલિકા દ્રારા સ્થાનિક તંત્રની મદદ મેળવીને દબાણ દૂર કરવાની આવશે તેમ જ લેડગ્રેબિંગ એકટ હેઠળ ગુનો નોંધવામાં આવશે તેવી નોટીસ ફટકારવામાં આવી છે.
સરકારી જમીન પર ગેરકાયદે દબાણ કરી  ગેરકાયદેસર પ્રવૃતિઓ કરવામાં આવે  છે તેં જગ્યાઓ દિન–૩માં ખાલી કરવા પણ જાણ કરાઈ.દિન–૩ માં જગ્યાઓ ખાલી કરવામાં નહિ આવે તો નગરપાલિકા દ્રારા નિયમાનુસાર કાર્યવાહી કરી ડીમોલેશન કરવામાં આવશે તેવું હળવદ નગરપાલિકા  નોટિસમાં જણાવ્યું હતું.આ ઓપરેશનમાં હળવદ નગરપાલિકાના ચીફ ઓફિસર તથા  સેનેટરી ઇન્સ્પેકટર કૌશિક પ્રજાપતિ, સહિતનો  સ્ટાફ જોડાયો હતો