તમિલ અભિનેતા વિજય જે સાઉથના સુપર સ્ટાર્સમાંના એક છે તે પોતાના  હાલના પ્રોજેક્ટ્સ પૂર્ણ થયા પછી ફિલ્મ જગતને અલવિદા કરશે. તેમણે આ વર્ષે ફેબ્રુઆરીમાં તેમની પાર્ટી 'તમિલગા વેત્રી કઝગમ'ની જાહેરાત કર્યા બાદ રાજકારણમાં પ્રવેશ કરવાનો નિર્ણય લીધો છે.

હાલમાં, વિજય તેની 68મી ફિલ્મ 'ગ્રેટેસ્ટ ઓફ ઓલ ટાઈમ' પર કામ કરી રહ્યો છે, જેને તે તમિલનાડુના લોકો પ્રત્યે કૃતજ્ઞતાનું ઋણ માને છે. તે જણાવે છે કે તે એક એવી પાર્ટી ઈચ્છે છે જે જાતિ કે ધર્મ પર આધારિત ન હોય, પરંતુ માનવતા પર આધારિત હોય, જે રાજકીય ક્ષેત્રે નોંધપાત્ર સુધારણાનું કારણ બને, પરંતુ થલપતિ વિજયની સિનેમામાં ગેરહાજરી શું અસર લાવશે?

રૂબાન મેથીવાનન સિનેમેટિક જગતમાં આ અણધાર્યા પરિવર્તન પ્રત્યે તેમની વેદના વ્યક્ત કરે છે. તે કહે છે કે હું તેને ફિલ્મ બિઝનેસ માટે એક મોટા નુકસાન તરીકે જોઉં છું. તેને તેની કારકિર્દીની ટોચ પર તેને છોડી દેતા જોઈને આઘાત લાગે છે. વર્ષમાં બે ફિલ્મો સાથે તે સરળતાથી ફિલ્મ ઉદ્યોગમાં 300 થી 400 કરોડ રૂપિયા લાવે છે. તે ઉમેરે છે તામિલનાડુના થિયેટર કલેક્શનમાં આવતાં તેની ફિલ્મો સરળતાથી રૂ. 75 થી 80 કરોડનો હિસ્સો કમાઈ લે છે. અને વિજય જેટલો આકર્ષણ ધરાવતો કોઈ અભિનેતા મને દેખાતો નથી.

તમિલ સિનેમામાં નોંધપાત્ર યોગદાન આપનાર ફિલ્મ નિર્માતા ધનંજયનએ કહ્યું કે વિજયની ગેરહાજરી એક શૂન્યાવકાશ સર્જશે. પરંતુ મને લાગે છે કે ઉદ્યોગ આગળ વધશે કારણ કે તે સ્ટાર્સના પસંદ કરેલા જૂથ પર નિર્ભર નથી. શરૂઆતમાં મંદી આવશે અને બજાર ધીમે ધીમે બાઉન્સ બેક કરશે.

જ્યારે રમેશ બાલા, ફિલ્મ ડિસ્ટ્રીબ્યુટર તિરુપુર સુબ્રમણ્યમ અને ધનંજયન દલીલ કરે છે ત્યારે રુબાન મથિવાનન કહે છે કે મોટા હીરોનો યુગ ખરેખર સમાપ્ત થઈ ગયો છે કે જ્યાં લોકો હીરોની પૂજા કરતા હતા એ  કલ્ચરનો અંત આવી ગયો છે. તે કહે છે કે ખબર નથી કે વિજય ફિલ્મોમાં કામ કરવા માટે પાછો આવશે કે નહીં પરંતુ હું તેને શુભેચ્છા પાઠવું છું.