મારી નાખવાની ધમકી

ઓખા મંડળના મીઠાપુર તાબેના મોજપ ગામે રહેતા માયાભા ગગાભા કુંભાણી નામના 33 વર્ષના હિન્દુ વાઘેર યુવાન તેમની સાથે ગગાભા રાણાભા, વાઘાભા દેવુભા અને જીવણભા ગગાભા સાથે મળીને આરોપી કિશનભા ઉર્ફે અનિલભાના ઘર પાસે આવેલા ફરિયાદી માયાભા ગગાભાના ખુલ્લા પ્લોટ (વાડા)માં બાવળના ઝાખરા કાપીને વાડ કરતા હતા.

ત્યારે આ બાબતે બોલાચાલી કરી હઠીયાભા જીવણભા, દીપુભા જીવણભા, રાજુભા હઠીયાભા, કિશનભા ઉર્ફે અનિલ ઓઘડભા, ભરતભા ઓઘડભા, શોભનાબેન અનિલભા, સીમાબેન દીપુભા, જશુબેન રાજુભા હઠીયાભા, સંતોકબેન ભરતભા અને ભીખુભા પોલાભા કારા નામના 10 શખ્સોએ સાથે મળી, બિભત્સ ગાળો કાઢી, ધારીયા તેમજ લાકડાના ધોકા વડે હુમલો કર્યો હતો.

આ બઘડાટીમાં ફરિયાદી તેમજ સાહેદોને નાની મોટી ઈજાઓ સાથે હોસ્પિટલમાં સારવાર આપવામાં આવી હતી. આ રીતે 10 આરોપીઓએ સાથે મળી, ઈજાઓ કરી, જાનથી મારી નાખવાની ધમકી આપ્યાની ફરિયાદ માયાભા ગગાભા કુંભાણી દ્વારા મીઠાપુર પોલીસ મથકમાં નોંધાવવામાં આવી છે.

પુત્ર સાથે થયેલી બોલાચાલીનો ખાર રાખી, પિતા પર હુમલો:  નગડીયા ગામનો બનાવ

કલ્યાણપુર તાલુકાના નગડીયા ગામે રહેતા હરભમભાઈ નાથાભાઈ અમર નામના 55 વર્ષના મેર આધેડ પર ડાંગરવડ ગામના સામત ખીમાભાઈ અમર અને રૂપીબેન ભીમાભાઈ અમર નામના બે વ્યક્તિઓ દ્વારા બિભત્સ ગાળો કાઢી, કુહાડા તેમજ લાકડી વડે હુમલો કરીને પણ માર મારી, ઈજાઓ કર્યાની ફરિયાદ કલ્યાણપુર પોલીસ મથકમાં નોંધાવવામાં આવી છે.

ફરિયાદી હરભમભાઈના પુત્ર સાથે આરોપી સામતને અગાઉ બોલાચાલી થઈ હતી. તેનું મનદુઃખ રાખીને ઉપરોક્ત બન્યો હોવાનો પોલીસ ફરિયાદમાં જાહેર થયું છે. જે અંગે પોલીસે બંને સામે ગુનો નોંધી, આગળની કાર્યવાહી હાથ ધરી છે.