એક ઇજાગ્રસ્ત દર્દીની ૬૯ હજારની રોકડ તેના પરિવારને બોલાવીને સુપ્રત કરી

જામનગરના જનતા ફાટક વિસ્તારના લોકેશનની ૧૦૮ ની ટીમને બપોરના સમયે એક કોલ મળ્યો  હતો. જેમાં મોખાણા પાટિયા પાસે  મહેશભાઈ ફલીયા પોતાના બાઈક પર થી સ્લીપ થઈ ગયા હતા .જેમાં તેમને માથાના ભાગે અને મોઢા પર ઇજા થવાથી  બેહોશ થઇ ગયા છે. કોઈ રાહદારીએ  ૧૦૮ માં કોલ કરીને તાત્કાલિક આવવા જણાવ્યું હતું.

જેમાં ૧૦૮  ના જનતા ફાટક ના કર્મચારી ઇએમટી  અમિષાબેન ડાંગર અને પાયલોટ સુખદેવસિંહ વાળા સમયસર ઘટના સ્થળે પહોચી ગયા હતા.અને જરૂરી સારવાર કરતાં મહેશભાઈ પાસે થી ૬૯૦૦૦  રૂપિયા રોકડા અને મોબાઈલ મળી આવ્યા હતા.જેની સૂચના તેમના પરિવાર ને કરીને જી. જી. હોસ્પિટલમાં બોલાવી લઈ ઇજાગ્રસ્ત ની પુત્રી ને રોકડ રકમ અને મોબાઈલ આપી પોતાની ઈમાનદારી અને કાર્યનિષઠા નું પ્રમાણ આપ્યું હતું. જેથી દર્દી ના સગા એ ૧૦૮ ના સ્ટાફ નો આભાર માન્યો હતો.