આ બેઠકોમાં કૃષિ, પશુપાલન, આરોગ્ય, શિક્ષણ, પાણી સહિતના વિભાગો માટે આયોજન સમિતિના કુલ ૧૨૨.૫૦ લાખ તથા એટિવિટી કાર્યવાહક અન્વયે રૂ.૧૨૫ લાખના વિકાસ કાર્યોનું આયોજન હાથ ધરવામાં આવ્યું હતું. 

વર્ષ ૨૦૨૫-’૨૬ માટે વિવેકાધીન જોગવાઈ હેઠળ ફાળવેલ ગ્રાંટના ૧૫%ની મહતમ મર્યાદામાં સી.સી.રોડ અને પેવર બ્લોકના કામોનું આયોજન કરાયું હતું. એટિવિટી અંતર્ગતના ૩૦ %ની મહતમ મર્યાદામાં સી.સી રોડના કામો અને ૧૫ %ની મર્યાદામાં પેવર બ્લોકના કામોનું આયોજન ઘડવામાં આવ્યું હતું.

મંત્રીએ વિકેન્દ્રિત તાલુકા આયોજન કાર્યક્રમની વિવિધ જોગવાઈ હેઠળની વર્ષ ૨૦૨૫- ૨૬ માટેની વિવિધ વિકાસકાર્યો માટેની નવી દરખાસ્તોના તાલુકાના આયોજન અંગે સભ્યો અને અધિકારીઓ સાથે વિગતવાર ચર્ચા કરી હતી. તેમજ આયોજન સમિતિ અને એ.ટી.વી.ટી. સભ્યોને યોજનાનો લાભ સમાનતાના ધોરણે મહત્તમ નાગરિકો સુધી લાભ પહોંચે તે માટે તાકીદ કરી હતી. ઉપરાંત વિકાસ કાર્યો સમયસર પૂર્ણ કરવા અધિકારીઓને જરૂરી નિર્દેશો આપ્યા હતા.