બંગાળના સંદેશખાલીમાં કેટલીક મહિલાઓએ ટીએમસીના દિગ્ગજ નેતા શેખ શાહજહાં અને તેના મંત્રીઓ પર રેપ અને યૌન ઉત્પીડનનો આરોપ મુક્યો છે. વાયરલ વીડિયોમાં એક મહિલાને એવું કહેતી સાંભળી શકાય છે કે પાર્ટી (તૃણમૂલ)ના માણસો આવીને એક એવા ઘરનું સર્વેક્ષણ કરશે જેમાં એક સુંદર પત્ની છે, જેની છોકરી યુવાન છે. પછી તેઓ મહિલાઓને પાર્ટી ઓફિસમાં લઈ જાય છે ...પછી રાત્રે ત્યાં જ રાખવામાં આવતી અને જ્યાં સુધી સંતોષ ન થાય ત્યાં સુધી રેપ કરતાં.
મહિલાઓએ એવો આક્ષેપ કર્યો હતો કે સ્થાનિક જિલ્લા પરિષદના સભ્ય અને ટીએમસીના નેતા શેખ શાહજહાં મુખ્ય ગુનેગાર છે. આ તે જ શેખ શાહજહાં છે જે ઇડી દ્વારા તેના પરિસરમાં દરોડા પાડવાનો પ્રયાસ કર્યા બાદ ફરાર છે. સંદેશખલી પશ્ચિમ બંગાળના ઉત્તર 24 પરગણા જિલ્લામાં આવેલું છે. તે સુંદરવનમાં આવેલો એક ટાપુ છે, જે બાંગ્લાદેશની સરહદની નજીક છે, અને માત્ર હોડી દ્વારા જ પહોંચી શકાય છે. શેખ શાહજહાં અને તેની ટોળકીએ અહીં આતંકનું સામ્રાજ્ય જમાવ્યું છે. તેઓ મહિલાઓનું અપહરણ કરીને રેપ કરી રહ્યાં છે. સ્થાનિક નેતા શેખ શાહજહાં પર દરોડા પાડવા જઈ રહેલા એન્ફોર્સમેન્ટ ડિરેક્ટોરેટના અધિકારીઓ પર થયેલા હુમલા બાદ સંદેશખલી ગામ હેડલાઇન્સમાં આવ્યું હતું. ઇડીની આ કાર્યવાહી કથિત રેશન કૌભાંડને લગતી હતી. શેખ શાહજહાં ફરાર થઈ ગયો હતો કારણ કે સેંકડો લોકોના ટોળાએ ઇડીના કાફલા પર હુમલો કર્યો હતો, જેમાં અધિકારીઓ ઘાયલ થયા હતા. શેખ શાહજહાં હજુ પણ ફરાર છે. સંદેશલખલીની સ્થિતિ એવી છે કે જ્યાં માત્ર ફેરીનો ઉપયોગ કરીને જ પહોંચી શકાય છે. પેલે પાર કોઈ પુલ નથી.