ટીએમસી સાંસદ મહુઆ મોઇત્રાની મુશ્કેલીઓ ફરી વધી શકે છે. રાષ્ટ્રીય મહિલા આયોગની અધ્યક્ષ રેખા શમર્િ પર અભદ્ર ટિપ્પણી કરવા બદલ દિલ્હી પોલીસે મહુઆ મોઇત્રા સામે કેસ નોંધ્યો છે. આ બાબતની ફરિયાદ રાષ્ટ્રીય મહિલા આયોગે કરી હતી. આવી સ્થિતિમાં હવે સવાલ ઉઠી રહ્યો છે કે મહિલા આયોગ સાથે ગડબડ કરવી મહુઆ માટે મોંઘી સાબિત થઈ શકે છે.આ ફરિયાદ પાછળનું કારણ મહુઆ મોઇત્રાનું નિવેદન છે, જે તેણે 2 જુલાઈએ આપ્યું હતું. હાથરસ દુર્ઘટના બાદ જ્યારે રાષ્ટ્રીય મહિલા આયોગના અધ્યક્ષ રેખા શમર્િ ત્યાં પહોંચ્યા ત્યારે એક વ્યક્તિ તેની પાછળ છત્રી પકડીને ચાલી રહ્યો હતો અને આ વીડિયો સામે આવતા જ તે સોશિયલ મીડિયા પર વાયરલ થયો હતો. જેના પગલે મહુઆ મોઇત્રાએ અભદ્ર ટિપ્પણી કરી જેનાથી હંગામો મચી ગયો. જો કે તેણીએ વિડીયો અને કોમેન્ટ ડીલીટ કરી દીધી હતી
હું મારી પોતાની છત્રી પકડી શકું છું - મહુઆ
મહુઆ મોઇત્રાએ પણ રાષ્ટ્રીય મહિલા આયોગની પોસ્ટને જવાબ આપ્યો કે દિલ્હી પોલીસે સુઓમોટો લઈ તેના પર તાત્કાલિક કાર્યવાહી કરવી જોઈએ. જો આગામી ત્રણ દિવસમાં મારી ધરપકડની તાત્કાલિક જરૂર હોય, તો હું નાદિયામાં છું અને હું મારી છત્રી જાતે પકડી શકું છું. મહુઆએ મહિલા આયોગના ચેરપર્સન પર કરેલી અગાઉની પોસ્ટમાં તેણે લખ્યું હતું કે તે તેના બોસના પાયજામાને સંભાળવામાં ખૂબ વ્યસ્ત છે.

સાંસદ પદ જઈ શકે છે!
આ પછી હવે સવાલ એ છે કે શું મહુઆ મોઇત્રાનું સાંસદ પદ ફરી એકવાર ખતરામાં છે. કારણ કે ભારતીય ન્યાય સંહિતાની કલમ 79 મુજબ, જો કોઈ મહિલાની ગરિમાનું અપમાન કરવાના કેસમાં દોષિત ઠરે તો જેલની સજા છે, જે 3 વર્ષ સુધી વધારી શકાય છે.આ સાથે દંડ અને સજાની પણ જોગવાઈ છે. એ વાતનો પણ ઉલ્લેખ કરવો જોઈએ કે જો કોઈપણ ધારાસભ્ય કે સાંસદને 2 વર્ષથી વધુ જેલની સજા થાય છે, તો તે વ્યક્તિનું સભ્યપદ તુરંત સમાપ્ત થઈ જાય છે. ગત લોકસભામાં મહુઆ મોઇત્રાએ કેશ ફોર ક્વેરી કેસમાં પોતાનું સાંસદ પદ ગુમાવ્યું હતું. આ વખતે તે ફરીથી કૃષ્ણનગર બેઠક પરથી જીતીને લોકસભા ચૂંટણીમાં પરત ફયર્િ છે.