જર્મન વૈજ્ઞાનિકોએ બ્રહ્માંડમાં અત્યાર સુધીની સૌથી મોટી રચના શોધી કાઢી છે. આ સુપર સ્ટ્રક્ચરનું વજન 200 ક્વાડ્રિલિયન (સંખ્યા પછી 15 શૂન્ય) સૌર દળ જેટલું છે. તેની લંબાઈ 1.3 અબજ પ્રકાશવર્ષ કરતાં વધુ હોવાનું કહેવાય છે. એટલે કે તે આપણી આકાશગંગા કરતાં 13,000 ગણું લાંબું છે. તેને ’ક્વિપુ’ નામ આપવામાં
આવ્યું છે.
લાઈવ સાયન્સના અહેવાલ મુજબ જર્મનીના મેક્સ પ્લાન્ક ઇન્સ્ટિટ્યૂટના વૈજ્ઞાનિક હાન્સ બોહરિંગર અને તેમની ટીમે ’ક્લાસિક્સ ક્લસ્ટર સર્વે’નો ઉપયોગ કરીને આ શોધ કરી છે. ટીમે એક્સ-રે ગેલેક્સી ક્લસ્ટર દ્વારા ચાર સુપરસ્ટ્રક્ચર્સ ઓળખ્યા, જેમાં ક્વિપુનો પણ સમાવેશ થાય છે. ગેલેક્સી ક્લસ્ટરોમાં સેંકડો ગેલેક્સીઓ છે. તેમના ગરમ ગેસ એક્સ-રે બહાર કાઢે છે. આ એક્સ-રેની મદદથી વૈજ્ઞાનિકોએ સૌથી ગીચ વિસ્તારો શોધી કાઢ્યા. આ તકનીક દ્વારા વૈજ્ઞાનિકોએ શોધ્યું કે ક્વિપુ એક લાંબો ફિલામેન્ટ છે. તેની સાથે ઘણા બધા ફિલામેન્ટ જોડાયેલા છે.
વૈજ્ઞાનિકોના મતે ક્વિપુ જેવા સુપરસ્ટ્રક્ચર્સ આપણા બ્રહ્માંડની ઘટનાઓ અને કોસ્મોલોજીકલ મોડેલ્સને નોંધપાત્ર રીતે પ્રભાવિત કરે છે. લેમ્ડા-સીડીએમ મોડેલ પર આધારિત સિમ્યુલેશન્સ ક્વિપુ જેવા સુપરસ્ટ્રક્ચર્સ ઉત્પન્ન કરી શકે છે. બ્રહ્માંડની રચના સમજાવવા માટે લેમ્ડા-સીડીએમ અગ્રણી મોડેલ છે. વૈજ્ઞાનિકો માને છે કે ક્વિપુ જેવા સુપરસ્ટ્રક્ચર ભવિષ્યમાં નાના ક્લસ્ટરોમાં વિભાજીત
થઈ શકે છે.
સુપરસ્ટ્રક્ચર્સમાં ગેલેક્સી ક્લસ્ટર અને સુપરક્લસ્ટર હોય છે. તેમનું કદ અને વજન એટલું બધું છે કે તેઓ બ્રહ્માંડની રચનાને પડકાર આપી શકે છે. કેટલાક સુપરસ્ટ્રક્ચર્સ કોસ્મોલોજીકલ મોડેલ્સને તોડી શકે છે. સમગ્ર બ્રહ્માંડના જથ્થાના 13 ટકા ભાગને સુપરસ્ટ્રક્ચર્સ આવરી લે છે.