તમામ બોલિવૂડ સ્ટાર્સ ક્રિસમસ સેલિબ્રેશન માટે સમાચારમાં હતા, ત્યારબાદ હવે દરેકની નજર તેમની ન્યૂ યર પાર્ટી પર ટકેલી છે. જો કે, લોકોનું સૌથી વધુ ધ્યાન શાહરૂખ ખાનની પુત્રી સુહાના ખાન અને અમિતાભ બચ્ચનના પૌત્ર અગસ્ત્ય નંદાએ ખેચ્યુ છે. તેમના ડેટિંગના સમાચાર ઘણા સમયથી લોકોમાં ફરતા હતા અને તાજેતરમાં જ બંને ફરી એકવાર સાથે જોવા મળ્યા હતા.કહેવામાં આવી રહ્યું છે કે બંને નવા વર્ષની પાર્ટી માટે શાહરૂખ ખાનના ફાર્મ હાઉસ પર જઈ રહ્યા છે. બંને ગેટવે ઓફ ઈન્ડિયા પર સાથે જોવા મળ્યા હતા.
તાજેતરમાં સુહાના અને અગસ્ત્ય બંને ન્યૂ યર પાર્ટીમાં સાથે જોવા મળ્યા હતા. બંને પાર્ટી માટે શાહરૂખ ખાનના આલીશાન અલીબાગ ફાર્મ હાઉસમાં જતા જોવા મળ્યા હતા. આ દરમિયાન બંને ખૂબ જ કેઝ્યુઅલ લુકમાં હતા, આ સમયે અગસ્ત્યએ આર્યન ખાનની ડાયવોલ બ્રાન્ડની કેપ પણ પહેરી હતી. અલીબાગ ફાર્મ હાઉસ, ડેજા વુ ફાર્મ્સ નામનું વૈભવી રીટ્રીટ છે. અહીં ભવ્ય પાર્ટીનું આયોજન કરવા માટે બોલીવુડ સ્ટાર્સની પસંદગી છે. આ ફાર્મ હાઉસમાંથી અદભૂત નજારો જોઈ શકાય છે.
સુહાના અને અગસ્ત્ય ફાર્મ હાઉસ તરફ જતા સમયે ગેટવે ઓફ ઈન્ડિયા પર જોવા મળ્યા હતા, જ્યાંથી તેઓ લોકેશન સુધી પહોંચવા માટે સ્પીડ બોટ લઈ ગયા હતા. ચાહકો આ કપલને ખૂબ પસંદ કરી રહ્યા છે, જો કે આ અફવા અંગે બંનેએ હજુ સુધી કંઈ કહ્યું નથી. જ્યારે તેઓ ઘણી વખત સાથે દેખાવા લાગ્યા ત્યારે બંને વિશે અફવાઓ ફેલાઈ હતી. બંને દિવાળી દરમિયાન પાર્ટીમાં સાથે જોવા મળ્યા હતા. જો કે, આ સિવાય અનન્યા પાંડેની કોલ મી બેના પ્રીમિયર દરમિયાન પણ બંને સાથે જોવા મળ્યા હતા.

નવા પ્રોજેક્ટ પર કામ
ફિલ્મોની વાત કરીએ તો સુહાના ખાન સુજોય ઘોષ દ્વારા નિર્દેશિત ફિલ્મ કિંગના શૂટિંગમાં વ્યસ્ત છે. આ ફિલ્મમાં તે સલમાન ખાન સાથે જોવા મળશે. આશા છે કે આ ફિલ્મ વર્ષ 2025માં સિનેમાઘરોમાં આવશે. જોકે, ફિલ્મનું ટાઇટલ બદલી શકાય છે. અગસ્ત્યની વાત કરીએ તો તે શ્રીરામ રાઘવનના નિર્દેશનમાં બની રહેલી ફિલ્મ ઈક્કીસમાં જોવા મળશે.