અમદાવાદથી લંડન જઈ રહેલું એર ઈન્ડિયાનું વિમાન 12 જૂનના રોજ ક્રેશ થયું હતું. આ વિમાન અમદાવાદ એરપોર્ટ નજીક બીજે મેડિકલ કોલેજ હોસ્ટેલની ઇમારત સાથે અથડાયા બાદ ક્રેશ થયું હતું. આ વિમાનમાં 241 લોકો સવાર હતા, જેમાંથી 240 લોકોના મોત થયા હતા. હોસ્ટેલની દિવાલ સાથે અથડાવાથી ઘણા વિદ્યાર્થીઓ પણ આ અકસ્માતનો ભોગ બન્યા હતા. હવે આ ઘટનાનો એક નવો વીડિયો સામે આવ્યો છે.
એર ઈન્ડિયાના વિમાન દુર્ઘટના પછી એક નવો વીડિયો સામે આવ્યો છે, જેમાં જોઈ શકાય છે કે વિમાન દુર્ઘટના પછી નજીકના હોસ્ટેલમાં રહેતા વિદ્યાર્થીઓ કેવી રીતે પોતાને બચાવી રહ્યા છે. આ વીડિયોમાં જોઈ શકાય છે કે કેવી રીતે MBBSના વિદ્યાર્થીઓ કપડું બાંધીને બીજા અને ત્રીજા માળેથી નીચે આવવાનો પ્રયાસ કરી રહ્યા છે. આ વિદ્યાર્થીઓ ચાદરની મદદથી કૂદકા મારતા જોઈ શકાય છે.
લોકો ડરના કારણે ચીસો પાડી રહ્યા છે
વીડિયોમાં હોસ્ટેલની સામે આગ લાગી છે અને લોકો ડરના કારણે ચીસો પાડી રહ્યા છે. કેટલાક વિદ્યાર્થીઓ ચાદરમાંથી દોરડા બનાવતા જોઈ શકાય છે જ્યારે કેટલાક પોતાનો જીવ બચાવવા માટે આ ચાદરનો ઉપયોગ કરીને રેલિંગ પરથી કૂદતા જોઈ શકાય છે.
ફ્લાઈટ AI 171 ટેકઓફ કર્યા પછી તરત જ ક્રેશ થઈ ગઈ
ઉલ્લેખનીય છે કે 12 જૂનના રોજ, અમદાવાદથી લંડનના ગેટવિક એરપોર્ટ જઈ રહેલી એર ઈન્ડિયાની ફ્લાઈટ AI 171 ટેકઓફ કર્યા પછી તરત જ ક્રેશ થઈ ગઈ હતી. પડતા પહેલા, વિમાન એક હોસ્ટેલ બિલ્ડિંગ સાથે અથડાયું હતું, જેના કારણે હોસ્ટેલ બિલ્ડિંગ તેમજ આસપાસની ઇમારતોને ભારે નુકસાન થયું હતું. એર ઈન્ડિયાના આ વિમાનમાં 242 લોકો સવાર હતા, જેમાં 230 મુસાફરો, બે પાયલોટ અને 10 ક્રૂ સભ્યોનો સમાવેશ થાય છે. આમાંથી 241 લોકોના મોત થયા હતા. ભારતીય મૂળના બ્રિટિશ નાગરિક રમેશ વિશ્વાસ કુમાર એકમાત્ર વ્યક્તિ છે જે વિમાનમાંથી બચી ગયા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Application
