યુપીના બલિયા જિલ્લામાં એક પરિવાર એવો છે જે આંખની વિચિત્ર બીમારીથી પીડિત છે. આઠ સભ્યોના આ પરિવારમાં દિવસ દરમિયાન ચાર લોકો જોવામાં અસમર્થ હોય છે અને સાંજે બે સભ્યોને જોવામાં તકલીફ પડે છે. ઉત્તર પ્રદેશના બલિયા જિલ્લાનું એક ગામ ચર્ચામાં છે. પીડિતોને ઘણી જગ્યાએ સારવાર મળી, પરંતુ સમસ્યા હજુ પણ યથાવત છે. એક જ પરિવારના છ લોકો આંખની વિચિત્ર બિમારીથી પીડિત છે.
ટકરસન ગામ બલિયાના હનુમાનગજં બ્લોકમાં આવે છે. આ ગામમાં દલિત રામ પ્રવેશ તેના પરિવાર સાથે રહે છે. ઘરમાં પત્ની સિવાય ૬ પુત્રો છે, કુલ આઠ લોકોનો પરિવાર છે. તે આર્થિક રીતે ખૂબ જ નબળા છે અને સખત મજૂરી કરીને પોતાનું ગુજરાન ચલાવે છે. આ ગરીબીમાં પરિવારના ૬ સભ્યો આંખની વિચિત્ર બિમારીથી પીડિત છે. પરિવારના જણાવ્યા અનુસાર, રામ પ્રવેશના પુત્રો હરી, રામુ, ભાનુ અને જયરામ દિવસ દરમિયાન દેખાતા નથી. યારે રામુની પત્ની સુનીતા દેવી રાતના પ્રકાશમાં પણ જોઈ શકતી નથી. રામ પ્રવેશના પરિવારના અન્ય એક સભ્યને પણ આવી જ સમસ્યા છે. પીડિતોએ બલિયા સહિત નેપાળ અને બિહાર (છપરા)માં ઘણી જગ્યાએ માહિતી બતાવી, પરંતુ કોઈ ફાયદો થયો નહીં.
આ રોગ વિશે, ગાઝીપુરની મહર્ષિ વિશ્વામિત્ર મેડિકલ કોલેજના આખં વિભાગમાં કામ કરતા ડો. સ્નેહા સિંહે જણાવ્યું કે બલિયાના પરિવારને મેકયુલર ડિજનરેશન અથવા મેકયુલર સંબંધિત બીમારીને કારણે આંખની દ્રષ્ટ્રિની સમસ્યા થઈ શકે છે. આ એક રોગ છે જે રેટિનાના મધ્ય ભાગને નુકસાન પહોંચાડે છે. આ વ્યકિતની દ્રષ્ટ્રિને અવરોધે છે. જો કે, બલિયાના પરિવારને આ સમસ્યા શા માટે છે? તબીબી કારણો તપાસ બાદ જ જાણી શકાશે. પ્રારંભિક તબક્કામાં સારવાર દ્રારા આ રોગને ઠીક કરી શકાય છે. આનુવંશિક કારણોસર થતા રોગોમાં સારવારથી દર્દીને વધુ ફાયદો થતો નથી