ઝાંસીથી પ્રયાગરાજ જતી ટ્રેન પર મધ્યપ્રદેશના હરપાલપુરમાં હુમલો થયો છે. હુમલાખોરોએ ટ્રેન પર પથ્થરમારો કરી તોડફોડ પણ કરી છે. આ ટ્રેન મહાકુંભ માટે જઈ રહી હતી. આવતીકાલે મૌની અમાવસ્યાના કારણે વિવિધ સ્થળોએથી લાખો ભક્તો પ્રયાગરાજ પહોંચી રહ્યા છે.

View this post on Instagram

A post shared by Aajkaal (@aajkaaldaily)

સમજૂતી પછી ટ્રેન રવાના થઈ
આ ઘટના બાદ સ્થાનિક પોલીસ અને રેલવે પ્રોટેક્શન ફોર્સને તાત્કાલિક ઘટનાસ્થળે બોલાવવામાં આવી હોવાનું જણાવવામાં આવી રહ્યું છે. મામલાની ગંભીરતાને ધ્યાનમાં રાખીને, રેલવે અધિકારીઓએ તપાસના આદેશ આપ્યા છે. આ ઘટનાને કારણે રેલ વ્યવહાર પ્રભાવિત થયો હતો અને ઘણી ટ્રેનો મોડી પડી હતી. છતરપુર સિવિલ લાઇન્સ પોલીસ સ્ટેશનના ઇન્ચાર્જ વાલ્મિક ચૌબેએ જણાવ્યું હતું કે, છતરપુર રેલવે સ્ટેશન પર ફાટક ન ખોલવાને કારણે રાત્રે લગભગ 1 વાગ્યે કેટલાક લોકોએ ટ્રેન પર પથ્થરમારો કર્યો અને તોડફોડ કરી હતી.

વધુમાં જણાવ્યું હતું કે, માહિતી મળ્યા પછી, અમે ઘટનાસ્થળે પહોંચ્યા, ટ્રેન છતરપુરથી પ્રયાગરાજ મહાકુંભ જઈ રહી હતી, બધા આરોપીઓ ઘટનાસ્થળેથી ભાગી ગયા હતા. દરમિયાન, હરપાલપુર પોલીસ સ્ટેશનના ઇન્ચાર્જ પુષ્પક શર્માએ જણાવ્યું હતું કે, પોલીસ ટીમે યોગ્ય સલાહ આપ્યા પછી ટ્રેન મોકલી હતી, ખજુરાહો અને છતરપુરમાં પણ લોકોએ અશાંતિ ઉભી કરી છે.

પ્રયાગરાજમાં કડક સુરક્ષા વ્યવસ્થા
મહાકુંભને ધ્યાનમાં રાખીને ઉત્તર પ્રદેશ વહીવટી તંત્રે સમગ્ર પ્રયાગરાજમાં કડક સુરક્ષા વ્યવસ્થા કરી છે. મહાકુંભ શહેરમાં વિવિધ સ્થળોએ પોલીસ કર્મચારીઓની સાથે વહીવટી અધિકારીઓ અને કર્મચારીઓને પણ તહેનાત કરવામાં આવ્યા છે.