તો બીજી તરફ કચ્છ-ભુજ અને જામનગર સરહદી વિસ્તાર હોવાથી કચ્છ-ભુજ અને જામનગર જિલ્લાની સિવિલ હોસ્પિટલ ઉપરાંત રાજકોટ સિવિલમાં પણ ઇમર્જન્સી વ્યવસ્થા માટેની તૈયારી કરવા માટેની સૂચનાના પગલે રાજકોટ સિવિલ હોસ્પિટલમાં સુપ્રિન્ટેન્ડેન્ટ ડો. મોનાલી માકડિયાના માર્ગદર્શન હેઠળ પીએમએસએસવાય વિભાગમાં 20 બેડનો વોર્ડ તૈયાર કરવામાં આવ્યો છે. જરૂર જણાયે વધુ બેડની પણ વ્યવસ્થા રાખવામાં આવી છે. ઉપરાંત જરૂરી દવા, વેન્ટિલેટર પણ છે. આ ઉપરાંત તબીબી અધિકારી અને કર્મચારીઓ, નર્સિંગ સ્ટાફની રજા કેન્સલ પણ કેન્સલ કરવામાં આવી હોવાનું સિવિલ સૂત્રોએ જણાવ્યું છે. આ ઉપરાંત અન્ય જગ્યાએ પણ કોઈ ઘટના બને તો ત્યા મોકલવા માટે સિવીલની મેડિકલ ટિમ પણ તૈયાર રાખવાં આવી છે. કોઈ પણ સ્થિતિને પહોંચી વળવા માટે રાજકોટ સિવીલ સજ્જ હોવાનું અંતમાં ઉમેર્યું હતું.