નાગરિકોની સરળતા માટે જિલ્લા ચૂંટણી તંત્ર દ્વારા આગામી તા. ૨૭/૧૨/૨૦૨૫ અને ૨૮/૧૨/૨૦૨૫ના રોજ તમામ મતદાન મથકો પર ખાસ ઝુંબેશનું આયોજન કરવામાં આવ્યું છે. આ બંને દિવસે સવારે ૧૦:૦૦ વાગ્યા થી સાંજના ૫:૦૦ વાગ્યા સુધી તમામ બુથ લેવલ ઓફિસર પોતાના નિર્ધારિત મતદાન મથક પર હાજર રહેશે. લાયકાત ધરાવતા તમામ નાગરિકો અને મતદારો આ ખાસ ઝુંબેશનો મહત્તમ લાભ લઈ પોતાની અરજીઓ અને આધાર પુરાવા રજૂ કરે તેવો જિલ્લા ચૂંટણી તંત્ર દ્વારા અનુરોધ કરવામાં આવ્યો છે.


જેમના નામ ન હોય તેઓએ શનિ-રવિમાં મતદાન કેન્દ્રો ઉપર જઇને ડોકયુમેન્ટ આપવા 

જામનગર શહેરમાં મતદાર યાદી સુધારણા કાર્યક્રમ પુરો થયા બાદ કેટલાક લોકોના નામ યાદીમાં નથી, જેઓએ ડોકયુમેન્ટ પુરા આપ્યા નથી તેઓએ આગામી તા.૨૭ અને ૨૮ના રોજ જયાં તેઓ મત આપતા હોય તે બુથના મતદાન મથકમાં જઇને બીએલઓને મળીને જરૂરી ખુટતી વિગતો તેમજ દસ્તાવેજ પુરા પાડવા તેથી તેમનું નામ યાદીમાં આવી શકે. તા.૧૮ જાન્યુઆરી સુધી ચુંટણીપંચે જેમના નામ ન હોય તેના માટે ખાસ કાર્યક્રમ ગોઠવ્યા છે ત્યારે મતદારોએ પણ જાગૃત થઇને ચૂંટણીપંચની આ પ્રક્રિયામાં સાથ સહકાર આપવો જોઇએ તેવી તંત્ર દ્વારા અપીલ કરવામાં આવી છે. ​​​​​​​