ચેમ્પિયન્સ ટ્રોફીમાં સાઉથ આફ્રિકાએ ઈંગ્લેન્ડને 7 વિકેટે હરાવીને સેમિફાઇનલમાં પ્રવેશ કરી લીધો છે. ઈંગ્લેન્ડની આ હાર સાથે ચેમ્પિયન્સ ટ્રોફીમાં હારની હેટ્રિક નોંધાઈ છે.

ટોસ જીતીને પ્રથમ બેટિંગ કરતા ઈંગ્લેન્ડે માત્ર 179 રન બનાવ્યા હતા. જેના જવાબમાં સાઉથ આફ્રિકાએ 3 વિકેટ ગુમાવીને લક્ષ્યાંક હાંસલ કરી લીધો હતો. આ જીત સાથે સાઉથ આફ્રિકા ગ્રુપ બીમાં ટોચ પર પહોંચી ગયું છે. બીજી તરફ, અફઘાનિસ્તાન પણ ચેમ્પિયન્સ ટ્રોફીમાંથી બહાર થઈ ગયું છે. ભારત, ન્યુઝીલેન્ડ, સાઉથ આફ્રિકા અને ઓસ્ટ્રેલિયા ચેમ્પિયન્સ ટ્રોફીના સેમિફાઇનલમાં પહોંચી ગયા છે.