પ્રાપ્ત વિગત મુજબ મનહર પ્લોટ શેરી નં-9માં રહેતા અલ્પેશસિંહ બહાદુરસિંહ પરમાર (ઉ.વ.48)ના આધેડ ગત રાત્રીના ઘર પાસે ઓટલા પર બેઠા હતા ત્યારે શેરી નં-09/એ ના ખૂણે રહેતા પ્રજ્જવલ વિપુલભાઈ દેસાણીએ બોલાચાલી કરી ઝગડો કરીછરી વડે હુમલો કરતા છરીનો ઘા પગના ભાગે લાગી ગયો હતો તેમજ ઢીકાપાટુનો મારમારી જાનથી મારી નાખવાની ધમકી આપી યુવક ત્યાંથી નાસી ગયો હતો. આધેડને સારવાર માટે સિવિલ હોસ્પિટલમાં ખસેડવામાં આવ્યા હતા. બનાવ અંગે આધેડના ભત્રીજા દીપસિંહ હરેશસિંહ પરમારની ફરિયાદ પરથી પ્રજ્જવલ દેસાણી સામે ગુનો નોંધી આગળની તપાસ હાથ ધરી છે. આધેડએ ચારેક મહિના પહેલા હુમલો કરનાર શખ્સના માતાને ઝાપટ મારી હોય જેનો ખાર રાખી આ હુમલો કર્યો હતો.