ગ્રેટર નોઈડામાં વહેલી સવારે ધુમ્મસના લીધે એક ભયાનક માર્ગ અકસ્માત થયો હતો વિઝીબીલીટી સાવ જ ઓછી હોવાને લીધે રોડ પર ઉભેલી ટ્રક પાછળ બીજી ટ્રક અથડાઈ હતી અને તેના પછી બસે ટ્રકને ટક્કર મારી હતી.આ બસ પાણીપતથી મથુરા જઈ રહી હતી. આ અકસ્માતમાં ૧૯ લોકો ઘાયલ થયા હતા અને તમામ ઘાયલોની સારવાર ચાલી રહી છે.
ઉત્તર પ્રદેશના ગ્રેટર નોઈડામાં ધુમ્મસએ હાહાકાર મચાવ્યો છે. ગાઢ ધુમ્મસના કારણે ઈસ્ટર્ન પેરિફેરલ એકસપ્રેસ વે પર ત્રણ વાહનો વચ્ચે અથડામણ થઈ હતી. આ અકસ્માતમાં ૧૯ લોકો ઘાયલ થયા હોવાનો મામલો સામે આવ્યો છે. ઇકોટેક  પોલીસ સ્ટેશન વિસ્તારમાં, કાસનાથી ફરીદાબાદ તરફ જતી લેન પર, એક ટ્રકે પાછળથી આગળ ઉભેલી બીજી ટ્રકને ટક્કર મારી. આ દરમિયાન પાણીપતથી મથુરા જઈ રહેલી બસ પણ ટ્રક સાથે અથડાઈ હતી. અકસ્માતમાં બસના મુસાફરોને ગંભીર ઈજાઓ પહોંચી હતી.
ગ્રેટર નોઈડાથી લઈને પશ્ચિમ યુપી સુધીના ઘણા વિસ્તારોમાં ગાઢ ધુમ્મસના કારણે લોકોને મુશ્કેલીનો સામનો કરવો પડો છે. ઈસ્ટર્ન પેરિફેરલ એકસપ્રેસ વે પર અકસ્માતની માહિતી મળતા જ પોલીસ તાત્કાલિક ઘટનાસ્થળે પહોંચી ગઈ હતી. રાહત કાર્ય શ કરવામાં આવ્યું હતું. પોલીસ ટીમે ઘાયલોને એમ્બ્યુલન્સ દ્રારા નજીકની હોસ્પિટલમાં મોકલ્યા હતા. પોલીસ કર્મચારીઓએ અકસ્માતગ્રસ્ત વાહનોને સલામત સ્થળે ખસેડી ટ્રાફિક હળવો કર્યેા હતો.ગાઢ ધુમ્મસના કારણે અકસ્માતનું જોખમ વધી ગયું છે. પૂર્વીય પેરિફેરલ પર ધુમ્મસને કારણે વિઝિબિલિટીમાં નોંધપાત્ર ઘટાડો થયો છે. જેના કારણે આ અકસ્માત થયો હતો. આવી સ્થિતિમાં વહીવટીતત્રં દ્રારા વાહનચાલકોને ચેતવણી આપવામાં આવી રહી છે.

વાહનોની ગતિ ધીમી રાખવા તંત્રની અપીલ
શિયાળાની ઋતુમાં ધુમ્મસની અસરને ધ્યાનમાં રાખીને ગૌતમ બુદ્ધ નગર પ્રશાસને અપીલ જારી કરી છે. ધુમ્મસ દરમિયાન વાહનચાલકોને તેમના વાહનોની ગતિ ધીમી રાખવા અપીલ કરવામાં આવી છે. વાહનોને પણ અત્યતં સાવધાની સાથે ચલાવવા માટે કહેવામાં આવ્યું છે. ઈસ્ટર્ન પેરિફેરલ એકસપ્રેસ વે દુર્ઘટના બાદ પ્રશાસન અને પોલીસ ટીમ સતર્ક થઈ ગઈ છે