શહેરના રેલવે સ્ટેશન  રોડ ઉપર ગત રાત્રીના જાહેરમાં લાઈટના અંજવાળે  જુગારની બાજી માંડી બેઠેલા કણબીવાડ, રેલવે સ્ટેશન રોડ, પોલીસ કર્મચારી સોસાયટી અને મતવા ચોક, ચાવડીગેટના છ શખ્સોને  પોલીસે બાતમી આધારે રેડ કરી રોકડ, બે મોબાઈલ, એક્ટીવા મળી કુલ રૂા. ૯૪ હજારના મુદામાલ સાથે ઝડપી લોકઅપ હવાલે કરી દીધા હતા.
નિલમબાગ પોલીસને બાતમી રાહે હકીકત મળી હતી કે, શહેરના રેલવે સ્ટેશન રોડ ઉપર મેલડીમાંના મંદિર પાસે, બાવાના ખાંચામાં અંજવાળે કેટલાક શખ્સો  જાહેરમાં હારજીતની જુગારની બાજી માંડી બેઠા છે. જે હકીકત આધારે  રેડ કરી તપાસ હાથ ધરતા કુંડાળુ વળી પૈસા પાના વડે જુગાર રમી રહેલા ઘર્મેશ ઉર્ફે બાલો દિનેશભાઈ સરવૈયા (ઉ.વ. ૧૯, રે. હનુમાનદાદાની ડેરી પાસે, કણબીવાડ), રાહુલ અશ્વિનભાઈ મકવાણા (ઉ.વ. ૨૫, રે. કોળીવાડ, રેલવે સ્ટેશન રોડ), શંકર ભરતભાઈ સરવૈયા (ઉ.વ. ૩૦, રે. કોળીવાડ, રેલવે સ્ટેશન રોડ), અજય ચંદુભાઈ મકવાણા (ઉ.વ. ૨૮, રે. ગરાસીયાવાડ, જાડેજાનો ડેલો, ચાવડીગેટ), વનરાજસિંહ જીતેન્દ્રસિંહ મહિડા (ઉ.વ. ૨૮, રે. પોલીસ કર્મચારી સોસાયટી), સલીમ અબ્દુલ વહાબ મોહમદ શેખ (ઉ.વ. ૪૮, રે. આરબવાડ, મતવાચોક) મળી આવતા તમામને ઝડપી લઈ તેના કબજામાંથી રોકડ, બે મોબાઈલ, એકટીવા મળી કુલ રૂા. ૯૪,૩૩૦નો મુદામાલ કબ્જે કરી તમામ સામે જુગારધારા હર્થળ ગુનો દાખલ કરી ધોરણસર કાર્યવાહી હાથ ધરી હતી.