ભાવનગરના પ્રજા વત્સલ મહારાજા કૃષ્ણકુમારસિંહજીની ૧૧૩મી જન્મજયંતીના રોજ તા. ૧૯ને સોમવારે સાંજે ભાવનગરની સ્ત્રીશક્તિઓ દ્વારા સૈન્યના જવાનોનો ઉત્સાહ વધારવા માટે ભવ્ય સિંદૂર યાત્રા કાઢવામાં આવી હતી.આ સિંદૂર યાત્રા મોતીબાગ ટાઉનહોલથી શરૂ થઈ અને શહીદ સ્મારક ખાતે પૂર્ણ થઈ હતી.આ સિંદૂર યાત્રામાં રાજકીય પક્ષ અને વિવિધ સમાજ અને વિવિધ સંસ્થાઓ સાથે સંકળાયેલ ભાવનગરની સ્ત્રીશક્તિઓ હાથમાં તિરંગા અને દેશભક્તિના સૂત્રોચ્ચારો સાથેની સિંદૂર યાત્રા નીકળી હતી. પહેલગામ આતંકી હુમલાના મૃતક પિતા-પુત્રના પત્ની તેમજ માતા એવા કાજલબેન પરમાર પણ આ સિંદૂર યાત્રામાં ઉપસ્થિત રહ્યા હતાં.