શ્રેયા ઘોષાલ એક પ્રખ્યાત બોલિવૂડ પ્લેબેક સિંગર છે. તેમણે અત્યાર સુધીની કારકિર્દીમાં ઘણા અદ્ભુત ગીતો ગાયા છે. હવે શ્રેયા સાથે સંબંધિત એક મોટા સમાચાર આવી રહ્યા છે, હકીકતમાં સિંગરનું એક્સ-અકાઉન્ટ હેક થઈ ગયું છે. શ્રેયા ઘોષાલે પોતે તેના ઇન્સ્ટાગ્રામ એકાઉન્ટ પર પોસ્ટ કરીને આ માહિતી આપી છે.

શ્રેયા ઘોષાલનું એક્સ એકાઉન્ટ હેક થયું

આજે શ્રેયા ઘોષાલે તેના ઇન્સ્ટાગ્રામ હેન્ડલ પર તેના ફોલોઅર્સને જાણ કરી કે તેનું એક્સ એકાઉન્ટ હેક થઈ ગયું છે. ફોટો શેર કરતી વખતે શ્રેયાએ લખ્યું, "હેલો ફેન્સ અને મિત્રો. મારું ટ્વીટર/એક્સ એકાઉન્ટ 13 ફેબ્રુઆરીથી હેક કરવામાં આવ્યું છે. મેં એક્સ ટીમ સુધી પહોંચવા માટે બધું જ કર્યું પરંતુ કેટલાક ઓટોમેટિક જનરેટ થયેલા પ્રતિભાવો સિવાય કોઈ પ્રતિભાવ મળ્યો નથી. હું મારું એકાઉન્ટ ડિલીટ પણ નથી કરી શકતી. કારણ કે હું હવે લોગ ઇન નથી કરી શકતી. કૃપા કરીને કોઈપણ લિંક પર ક્લિક કરશો નહીં અથવા તે એકાઉન્ટમાંથી લખેલા કોઈપણ મેસેજ પર વિશ્વાસ કરશો નહીં, તે બધી સ્પામ અને ફિશિંગ લિંક્સ છે, જો એકાઉન્ટ રિકવર થઇ જશે તો હું જાતે જ એક વિડિઓ દ્વારા અપડેટ કરીશ.