રાષ્ટ્રીય અંધજન મંડળ ભાવનગર જીલ્લા શાખા અને અંધ ઉદ્યોગ શાળા ભાવનગર ના સંયુક્ત ઉપક્રમે વર્ષ ૨૦૨૩-૨૪માં અંધજનો માટે શ્રેષ્ઠ ફાળો એકત્રિત કરનાર સંસ્થાઓને સન્માનવાનો કાર્યક્રમ તારીખ ૭-૯-૨૦૨૪ને શનિવારના દિવસે અંધ ઉદ્યોગ શાળા ભાવનગર ખાતે યોજાઈ ગયો, જેમાં સમગ્ર ભાવનગર જિલ્લામાં અંધજનો માટે શ્રેષ્ઠ રૂપિયા ૧,૩૬,૦૬૧ નો ફાળો એકત્રિત કરવા બદલ ગ્રામ દક્ષિણા મૂર્તિ લોકશાળા મણારને કેન્દ્રીય મંત્રી  નિમુબેન બાંભણિયા અને અંધ ઉદ્યોગ શાળાના સેક્રેટરી લાભુભાઈ સોનાણી ના હસ્તે શિલ્ડ એનાયત થયો હતો. આ પ્રસંગે સંસ્થાના આચાર્ય ડાહ્યાભાઈ ડાંગર, ગજજ ના પ્રોગ્રામ ઓફિસર  કંચનબેન થડોદા, ઉચ્ચતર માધ્યમિક વિભાગના મદદનીશ શિક્ષક અંકુરભાઈ શાહ અને શાળામાં શ્રેષ્ઠ ફાળો એકત્રિત કરનાર પ્રથમ ત્રણ ટુકડીઓના પ્રતિનિધિ તરીકે વિદ્યાર્થીની બહેનો ઉપસ્થિત રહ્યા. છેલ્લા ઘણા વર્ષોથી આ શાળા સમગ્ર જિલ્લામાં દર વર્ષે શ્રેષ્ઠ ફાળો એકત્રિત કરે છે. ટ્રસ્ટીગણ, નિયામક  તથા આચાર્યએ સમગ્ર સંસ્થા પરિવારને અભિનંદન પાઠવ્યા છે.