અલિયાબાડાના કોઝવે પાસે બેકાબુ બનેલા રીક્ષા ચાલકે બે બાઈક સવાર સહિત ત્રણ યુવાનને હડફેટમાં લીધા

જામનગર નજીક અલિયાબાડા પાસે આવેલા કોઝવે નજીક બેકાબુ બનેલા એક રિક્ષા ના ચાલકે માર્ગ પર ઉભેલા બે બાઈકસવાર સહિતના ત્રણ યુવાનોને હડફેટમાં લઈ ઇજાગ્રસ્ત બનાવ્યા ની પોલીસ ફરિયાદ નોંધાવાઇ છે.

આ અકસ્માતના બનાવની વિગત એવી છે, કે અલિયાબાડા ગામમાં રહેતા અજય દીપકભાઈ પરમાર નામના ૨૦ વર્ષના દેવીપૂજક યુવાને પોતે જ્યારે અલિયાબાડા ગામના કોઝવે પાસે ઊભા હતા,

જે દરમિયાન પોતાને તેમજ બાઈક સાથે ઉભેલા તેના કુટુંબી મામા નવીનભાઈ રાઠોડ તેમજ અન્ય કુટુંબી મામા હિતેશભાઈ રમેશભાઈ રાઠોડ સહિત ત્રણેયને ઇજાગ્રસ્ત  બનાવ્યા હતા. જે ત્રણેયને જામનગરની સરકારી જી.જી. હોસ્પિટલમાં પ્રાથમિક સારવાર અપાઇ છે, જયારે અકસ્માત સર્જનાર જી.જે. ૧૦-ટી. ડબલ્યુ. ૨૭૭૦ નંબરની રીક્ષાના ચાલક સામે ફરિયાદ નોંધાવી છે, જે ફરાર થઈ ગયો હોવાથી પોલીસ ટુકડી તેને શોધી રહી છે.