વીરપુરના સેલુકા ગામે રહેતો માનસિક વિકૃત શખસે ગામમાં જ રહેતી પરિણીતા અને તેની સગીર પુત્રી સામે ગંદા ઇશારા કરી બિભત્સ માંગણી કરતો હોય આ બાબતે સગીરાની માતાએ પોલીસ ફરિયાદ નોંધાવતા પોલીસે આરોપી સામે પોકસો એક્ટની કલમ હેઠળ ગુનો નોંધી તેને ઝડપી લીધો હતો. આ શખસે માત્ર આ માતા પુત્રી જ નહીં પરંતુ છેલ્લા ઘણા સમયથી ગામમાં રહેતી અનેક મહિલાઓ સામે આ રીતે ગંદી હરકતો કરી તેમની પજવણી કરી હોવાનું સામે આવ્યું છે. ત્યારે આ શખસ સામે ગ્રામજનોમાં રોષની લાગણી ફેલાઈ ગઈ છે અને નરાધમ સામે કડક કાર્યવાહી કરવામાં આવે તેવી માંગણી ઉઠવા પામી છે.
જાણવા મળતી વિગતો મુજબ, વીરપુર તાલુકાના સેલુકા ગામે રહેતી મહિલાએ વિરપુર પોલીસ સ્ટેશનમાં નોંધાવેલી ફરિયાદમાં આરોપી તરીકે અહીં ગામમાં જ રહેતા રાજુ બદરૂભાઈ માંજરીયાનું નામ આપ્યું છે. મહિલાએ પોતાની ફરિયાદમાં જણાવ્યું હતું કે, તે તથા તેની 16 વર્ષની પુત્રી અહીં ઘર પાસે હતા ત્યારે આરોપી રાજુ માંજરીયાએ તેમની સામે પેન્ટની ચેન ખોલી ગુપ્તાંગ બતાવી બિભત્સ માંગણી કરી હતી જેથી આ બાબતે માતા-પુત્રી બંને ગભરાઈ ગયા હતા આરોપીએ એવી ધમકી પણ આપી હતી કે, આ બાબતે પોલીસ ફરિયાદ કરશો તો જાનથી મારી નાખીશ.બાદમાં માતા પુત્રીએ પરિવારજનોને આ વાત જણાવતા પરિવાર હિંમત આપતા આ મામલે પોલીસ ફરિયાદ નોંધાવી છે.
મહિલાએ પોતાની ફરિયાદમાં એવો પણ ઉલ્લેખ કર્યો છે કે, વિકૃત માનસિકતા ધરાવતો રાજુ માંજરીયા માત્ર તેમને નહીં પરંતુ ગામમાં અનેક મહિલાઓ સાથે આવી હરકત કરી છે. ગામમાં રહેતી મહિલાઓ સામે તેમની પાસે બિભત્સ માંગણી કરી તેમની છેડતી કરતો હોય જેથી આ શખસના ત્રાસથી કંટાળી અંતે મહિલાએ ફરિયાદ નોંધાવાની હિંમત દાખવી હતી.
મહિલાની ફરિયાદ પરથી વીરપુર પોલીસ મથકના પીઆઇ એસ.જે. રાઠોડની રાહબરીમાં રાઇટર કૌશિકભાઈ સહિતના સ્થાપક આરોપી રાજુ માંજરીયા સામે છેડતી અને પોક્સો એક્ટરની કલમ હેઠળ ગુનો નોંધી આરોપીને ઝડપી લઇ જરૂરી કાર્યવાહી કરી હતી આરોપી છેલ્લા એક માસથી ગામમાં આ પ્રકારે બહેન દીકરીઓની છેડતી કરતો હોય તેમની પાસે માગણી કરતો હોય જેથી આ નરાદાન પ્રત્યે ફિટકારની લાગણી વરસી જવા પામી છે અને આરોપી સામે પોલીસ કડકમાં કડક કાર્યવાહી કરે તેવી માંગણી ઉઠવા પામી છે.