રોયલ ચેલેન્જર્સ બેંગલુરુની વિક્ટ્રી પરેડમાં ભાગદોડ થતા 7 લોકોના મોત થયા છે. જ્યારે અનેક લોકો ઘાયલ થયા છે. આ મોતના તાંડવ પહેલા લોકોની ભીડની તસવીરો સામે આવી છે.  સ્થાનિક મીડિયા અનુસાર 50 હજારથી વધુ લોકો હાજર હતા. 

નાસભાગમાં 20 લોકો ઘાયલ થયા છે. એકની હાલત ગંભીર હોવાનું કહેવાય છે. ભીડમાં એક બાળક પણ બેભાન થઈ ગયું હતું, જેને તાત્કાલિક હોસ્પિટલમાં લઈ જવામાં આવ્યું હતું. આ ઘટના ચિન્નાસ્વામી સ્ટેડિયમની બહાર બની હતી.

એરપોર્ટ પર હજારો લોકો હાજર હતા

જ્યારે ટીમ એરપોર્ટ પહોંચી ત્યારે હજારો લોકો ત્યાં હાજર હતા. ટીમ હોટલથી વિધાનસભા માટે રવાના થઈ. કર્ણાટકના મુખ્યમંત્રી સિદ્ધારમૈયાએ વિધાનસભામાં ટીમના ખેલાડીઓને મળ્યા. ટીમ વિધાનસભા પહોંચી ગઈ છે.

RCBએ ગઈકાલે IPLમાં તેનું પહેલું ટાઇટલ જીત્યું. ટીમે પંજાબ કિંગ્સ (PBKS)ને 6 રનથી હરાવ્યું. આ સાથે IPLને 18મી સીઝનમાં તેનો 8મો ચેમ્પિયન મળ્યો.

રાજકોટનો લોકમેળો રેસકોર્સ મેદાનમાં જ યોજાશે, લોકમેળા સમિતિ દ્વારા 14 ઓગસ્ટથી 18 ઓગસ્ટ સુધી પાંચ દિવસ આયોજન, સ્ટોલ/પ્લોટ માટેની અરજી, ડ્રો તથા હરરાજીનો કાર્યક્રમ જાહેર કરાયો