બોલિવૂડ અભિનેતા સૈફ અલી ખાન પર 16 જાન્યુઆરીની રાત્રે છરીથી હુમલો કરવામાં આવ્યો હતો. આ હુમલો ત્યારે થયો જ્યારે એક વ્યક્તિ ચોરીના ઇરાદે સૈફ અલી ખાનના ઘરે પહોંચ્યો. હુમલા બાદ સૈફ અલી ખાનને હોસ્પિટલમાં દાખલ કરવામાં આવ્યા હતા. હવે સૈફ અલી ખાન હોસ્પિટલમાંથી બહાર આવ્યો છે અને તેણે બાંદ્રા પોલીસ સમક્ષ પોતાનું નિવેદન નોંધાવ્યું છે. નિવેદનમાં સૈફે 16 જાન્યુઆરીની ઘટનાઓ વિશે જણાવ્યું.
મીડિયા રિપોટ્ર્સ અનુસાર, સૈફ અલી ખાને પોલીસને જણાવ્યું હતું કે તે અને તેની પત્ની કરીના કપૂર 11મા માળે તેમના બેડરૂમમાં હતા ત્યારે તેમણે તેમની હાઉસ હેલ્પર એલીયામા ફિલિપ્ની ચીસો સાંભળી. તે સૈફ જહાંગીર (જેહ) ના રૂમ તરફ દોડ્યો જ્યાં ફિલિપ પણ સુવે છે. ત્યાં સૈફે એક અજાણી વ્યક્તિને જોયો.
સૈફે જણાવ્યું કે જેહ રડી રહ્યો હતો અને જ્યારે સૈફે અજાણ્યા વ્યક્તિને રોકવાનો પ્રયાસ કર્યો ત્યારે તેણે સૈફ
હું અને કરીના બેડમમાં હતા ત્યાં જ મારી પીઠ, ગરદન અને હાથ પર હુમલો કર્યો છતાં પણ હુમલાખોરને પાછળ ધકેલી રૂમમાં બંધ કરી દીધો પર હુમલો કર્યો. હુમલાખોરે સૈફની પીઠ, ગરદન અને હાથ પર અનેક વાર હુમલો કર્યો. ઘાયલ થયા પછી પણ, સૈફ અલી ખાને કોઈક રીતે હુમલાખોરને પાછળ ધકેલી દીધો અને હાઉસ હેલ્પર જેહને લઈને ભાગી ગઈ. આ પછી સૈફ પણ રૂમમાંથી બહાર આવ્યો અને હુમલાખોરને રૂમમાં બંધ કરી દીધો.
ફિલિપે પાછળથી સૈફ અલીને કહ્યું કે તેણે હુમલાખોરને જેહના રૂમમાં જોયો હતો અને તેણે (હુમલાખોરે) 1 કરોડ રૂપિયાની માંગણી કરી હતી.