સનાતન ધર્મને ગાળો આપ્નારાઓનો 2024માં મોક્ષ નિશ્ચિત : બાબા રામદેવ

  • September 16, 2023 11:31 AM 
Aajkaal Daily (Desh Pardesh Ni Aajkaal)


તમિલનાડુના મંત્રી ઉદયનિધિ સ્ટાલિનની ટિપ્પણી બાદ સનાતન ધર્મ પર અનેક નિવેદનો સામે આવી રહ્યા છે. આ દરમિયાન હવે યોગ ગુરુ બાબા રામદેવે પણ સનાતન ધર્મ પર પોતાની પ્રતિક્રિયા આપી છે. સ્વામી રામદેવે સ્પષ્ટ કહ્યું છે કે જે લોકો સનાતનને બદનામ કરવામાં લાગેલા છે તેમને 2024માં મોક્ષ મળવાનો છે. આ સાથે બાબા રામદેવે કહ્યું કે કાશી પોતાનામાં જ દિવ્ય છે અને પીએમ નરેન્દ્ર મોદીએ કાશીને ભવ્યતા આપી છે.
બાબા રામદેવે વારાણસીના પ્રવાસે પહોંચ્યા બાદ આ નિવેદન આપ્યું છે બાબા રામદેવનું કાશી આગમન પર લાલ બહાદુર શાસ્ત્રી એરપોર્ટ પર બીજેપી સાંસદ બીપી સરોજે સ્વાગત કર્યું હતું. હાલમાં જ બાબા રામદેવ વારાણસી પહોંચ્યા હતા અને તેઓ કાશી વિશ્વનાથ મંદિર પણ પહોંચ્યા હતા અને પૂજા કરી હતી. આ દરમિયાન તેમણે જ્ઞાનવાપી કેસને લઈને કહ્યું હતું કે કોર્ટ જે પણ નિર્ણય લે તેનું સન્માન કરવું જોઈએ. જ્યારે સ્વામી રામદેવે ઇન્ડિયા દ/ત ભારત મામલામાં પોતાની પ્રતિક્રિયા આપતા કહ્યું હતું કે, કોઈને પણ ભારત કહેવામાં કોઈ સંકોચ ન હોવો જોઈએ. બાબા રામદેવે કહ્યું હતું- આપણી સનાતન સંસ્કૃતિ પ્રાચીન સમયથી જાણીતી છે, પરંતુ અંગ્રેજોએ ગુલામીના સમયમાં આપણા દેશનું નામ ઇન્ડિયા રાખ્યું હતું. આ સમગ્ર વિવાદ વચ્ચે ઉત્તર પ્રદેશના મુખ્યમંત્રી યોગી આદિત્યનાથે કહ્યું છે કે ભારતમાં ઘણા આક્રમણકારો આવ્યા અને ગયા, પરંતુ સનાતન ધર્મ હંમેશા ચમકતો રહ્યો. સીએમ યોગિએ કહ્યું કે સનાતન ધર્મ ભારતનો રાષ્ટ્રીય ધર્મ છે



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application