'બેબી જ્હોન' પર છવાયો સલમાન ખાનનો જ જાદુ
વરુણ ધવન અને જેકી શ્રોફ ફિક્કા પડ્યા,મફતમાં કામ કરી ભાઈજાન મહેફિલ લુટી ગયો
ક્રિસમસના અવસર પર 25મી ડિસેમ્બરે રિલીઝ થયેલી 'બેબી જોન'માં સલમાન ખાનના કેમિયોએ ધૂમ મચાવી હતી. તેની એન્ટ્રી અને એક્શન સીન વાયરલ થયા છે. લોકો ફિલ્મમાં વરુણ ધવન અને જેકી શ્રોફની વાત નથી કરી રહ્યા પરંતુ સલમાન ખાનના વખાણ કરી રહ્યા છે.
વરુણ ધવન, વામિકા ગબ્બી, જેકી શ્રોફ અને કીર્તિ સુરેશ અભિનીત ફિલ્મ 'બેબી જોન' 25મી ડિસેમ્બરે ક્રિસમસના અવસર પર સિનેમાઘરોમાં રિલીઝ થઈ હતી. કાલિસ દ્વારા નિર્દેશિત અને એટલા અને જ્યોતિ દેશપાંડે દ્વારા નિર્મિત આ ફિલ્મે બહાર આવતાની સાથે જ સ્ક્રીન પર હલચલ મચાવી દીધી હતી. જો કે લોકો તેમાં સ્ટાર કાસ્ટ વિશે પણ વાત નથી કરી રહ્યા. ચર્ચા માત્ર એક જ વ્યક્તિની છે અને તે છે સલમાન ખાન.
સોશિયલ મીડિયા પર સલમાન ખાનના કેમિયોની ચર્ચા છે. તેના એક્શન સીનની ક્લિપ વાયરલ થઈ રહી છે. લોકો તેના લુક અને તેની એન્ટ્રીના દીવાના બની રહ્યા છે. જેકી શ્રોફ અને વરુણ ધવનના કામ વિશે કોઈ વાત નથી કરી રહ્યું. એક્સ હેન્ડલ પર માત્ર ભાઈજાનના વખાણ થઈ રહ્યા છે.
સલમાન ખાને 'બેબી જોન'માં જીવ રેડયો
એક યુઝરે લખ્યું કે બેબી જ્હોનમાં સલમાન ખાનનો શાનદાર કેમિયો છે. તેણે અભિનેતાની એન્ટ્રી સીનનો આખો વીડિયો રેકોર્ડ કર્યો અને તેને સોશિયલ મીડિયા પર શેર કર્યો, જે હવે વાયરલ થઈ રહ્યો છે. જેમાં તેના મોઢા પર કપડું બાંધેલું છે અને હાથમાં દોરડું બાંધેલું છે. આ હોવા છતાં, તે ઉડતો અને તેના દુશ્મનોને મારતો જોવા મળે છે. જેમ અલ્લુ અર્જુને 'પુષ્પા 2'ના ક્લાઈમેક્સ સીનમાં કર્યું હતું.વરુણ ધવન અને જેકી શ્રોફનો કોઈ ઉલ્લેખ નથી. જણાવી દઈએ કે બેબી જોનમાં સલમાન ખાનનું નામ એજન્ટ ભાઈજાન છે. જે વરુણ ધવનના પાત્રને બચાવવા એન્ટ્રી કરે છે. તેણે આ ફિલ્મ માટે એક રૂપિયો પણ ચાર્જ કર્યો નથી. મફતમાં કામ કર્યું છે. લોકો તેના સ્વેગને ખૂબ પસંદ કરી રહ્યા છે.