ચીફ ઓફિસરે બિનશરતી માંગણીઓ સ્વીકારતા હડતાલનો સુખદ અંત

સલાયા નગરપાલિકાના સફાઈ કામદારો ૨૯.૧૨ .૨૪ થી સફાઈ હડતાલ ઉપર હતા. જેથી ૨૫ દિવસથી સલાયામાં સફાઈ થઈ ના હોઈ ઘણા પ્રશ્નો હતાં. હડતાલ ઉપર જવાનું કારણ ચડત પગાર અને કેટલીક માંગણીઓ હતી.જે બાબતે ચીફ ઓફિસર શ્રીએ સરકાર શ્રીમાં રજૂઆત કરી અને બુનિયાદી પગાર ભથા ગ્રાન્ટની ૧૦૦ ટકા માંગણી મુકેલ હતી.
જેમાંથી સરકાર શ્રીએ ૬૦ ટકા ગ્રાન્ટ મંજૂર કરતા આવતા અઠવાડિયે બાકીનો પગાર કરવાની બિન શરતી ખાતરી આપેલ હતી. તેમજ હાલ સલાયા નગર પાલિકા દ્વારા બાકી વેરા પણ નિયમ મુજબ ઉઘરાવી અને આવક વધારી હતી. ચડત વેરા હોઈ એમને લીગલી નોટિસો મારી હતી.
જેથી આવક થતાં દોઢ મહિનાનો પગાર ચૂકવી આપ્યો હતો.ત્યારબાદ બાકીની માંગણીઓનો પણ ચીફ ઓફિસરે બિન શરતી સ્વીકાર કરતા સફાઈ કામદારો દ્વારા આજથી કામ ઉપર લાગવાનું કહેલ હતું.અને આજ સવારથી કામ ઉપર લાગી ગયા હતા. આ સફાઈ કામદારો અને ચીફ ઓફિસર સાથે મધ્યસ્થી તરીકે સલાયા શહેર ભાજપના પ્રભારી પરેશભાઈ કાનાણી રહ્યા હતા.આમ ૨૫ દિવસથી સફાઈ કામગીરી બંધ હતી જે આજથી ફરી શરૂ થઈ હતી.અને હડતાલ નો સુખદ અંત આવ્યો હતો.