પૃથ્વીરાજ સુકુમારને આપ્યું મોટુ અપડેટ

આજકાલ પૃથ્વીરાજ સુકુમારન ફિલ્મ 'બડે મિયાં છોટે મિયાં'ને લઈને ઘણી ચર્ચામાં છે. સાઉથ એક્ટર પૃથ્વીરાજ સુકુમારન તેની ફિલ્મ 'સાલાર 2'ને લઈને ખૂબ જ ઉત્સાહિત છે. આ સાથે, અભિનેતાએ ફિલ્મ 'સાલાર 2' ની રિલીઝ તારીખ પરથી પણ પડદો ઉઠાવ્યો છે.તેમને કહ્યું કે આ ફિલ્મ 2025 સુધીમાં આવી જશે.

પૃથ્વીરાજ સુકુમારન સાઉથના એવા અભિનેતાઓમાંના એક છે જેમની લોકો દરેક ફિલ્મો જોવાનું પસંદ કરે છે. એક તરફ પૃથ્વીરાજ તેની ફિલ્મ 'બડે મિયાં છોટે મિયાં' માટે ચર્ચામાં છે. ત્યારે તેણે તેની આગામી ફિલ્મ 'સાલાર 2'ની રિલીઝ ડેટ પણ જાહેર કરી દીધી છે. પૃથ્વીરાજ સુકુમારન દક્ષિણ ફિલ્મ ઉદ્યોગનો જાણીતો ચહેરો છે. અભિનેતાની દરેક ફિલ્મની ચાહકો આતુરતાથી રાહ જોતા હોય છે.
 

એક તરફ પૃથ્વીરાજે ફિલ્મ 'બડે મિયાં છોટે મિયાં'માં વિલનની મજબૂત ભૂમિકા ભજવી છે. બીજી તરફ, તે તેની આગામી ફિલ્મ 'સાલાર 2'ને લઈને ખૂબ જ ઉત્સાહિત છે. નિર્દેશક પ્રશાંત નીલની ફિલ્મ 'સાલાર 2'માં પૃથ્વીરાજ અને પ્રભાસની જોડી ફરી એકવાર જોવા મળશે. અભિનેતાએ ફિલ્મને લઈને ઘણા ખુલાસા કર્યા છે.

સાલાર 2 વિશે કર્યો મોટો ખુલાસો 

'સાલાર'ની સફળતા બાદ જ નિર્દેશક પ્રશાંત નીલે ફિલ્મ 'સાલાર'નો બીજો ભાગ બનાવવાનો મહત્ત્વનો નિર્ણય લીધો હતો. પૃથ્વીરાજે ફિલ્મ 'સાલાર'માં વિરોધીની ભૂમિકા ભજવી છે. 'સાલાર' બે મિત્રોની વાર્તા પર આધારિત ફિલ્મ છે. આમાં પ્રભાસ અને પૃથ્વીરાજ સુકુમારન મિત્રોના રોલમાં જોવા મળ્યા હતા. પહેલા તો બંને મિત્રો હોય છે, પરંતુ બાદમાં તેમની મિત્રતામાં તિરાડ પડી જાય છે અને બંને દુશ્મન બની જાય છે. પ્રભાસ અને પૃથ્વીરાજ સ્ટારર ફિલ્મ 'સાલાર 2'નું શૂટિંગ એપ્રિલમાં શરૂ થશે. 'સાલાર 2'ની જાહેરાત થઈ ત્યારથી જ ચાહકો ખૂબ જ ઉત્સાહિત છે. ફિલ્મ 'સાલાર 2' 2025માં રિલીઝ થવાની ચર્ચા ચાલી રહી છે. આ ફિલ્મમાં પ્રભાસ, શ્રુતિ હાસન અને પૃથ્વીરાજ સુકુમારન મહત્ત્વની ભૂમિકામાં જોવા મળશે. હોમ્બલ ફિલ્મ્સ આ ફિલ્મના બીજા ભાગનું મોટા પાયે નિર્માણ કરશે.

ફિલ્મ વિશે કહી આ ખાસ વાત 

એક ઈન્ટરવ્યુ દરમિયાન પૃથ્વીરાજ સુકુમારને જણાવ્યું કે દિગ્દર્શક પ્રશાંત નીલ ફિલ્મ સાલાર 2 ના શૂટિંગ માટે ખૂબ જ સારી જગ્યા શોધી રહ્યા છે. હું મારી ફિલ્મનું શૂટિંગ પૂરું કરતાં પહેલાં થોડો સમય રજા લઈશ. પરંતુ હું રજા પર જતા પહેલા 'સાલાર 2'ના કેટલાક ભાગોનું શૂટિંગ પૂરું કરી લઈશ. 

મને લાગે છે કે આ ફિલ્મ 2025માં રિલીઝ થઈ જશે. 

બડે મિયાં છોટે મિયાં વિશે પૃથ્વીરાજે કહી આવી વાત 

ફિલ્મ 'બડે મિયાં છોટે મિયાં' વિશે પૃથ્વીરાજ સુકુમારને કહ્યું કે જ્યારે મને ફિલ્મ 'બડે મિયાં છોટે મિયાં'ની સ્ક્રિપ્ટ મળી હતી ત્યારે હું મોટી મૂંઝવણમાં ફસાઈ ગયો હતો, કારણ કે આ ફિલ્મના શૂટિંગની તારીખ 'સાલાર 2'ની તારીખો સાથે મેચ કરી રહી હતી, જેના કારણે હું ખૂબ જ પરેશાન થઈ ગયો હતો. પરંતુ જ્યારે મેં દિગ્દર્શક પ્રશાંત સાથે 20 મિનિટ સુધી ફિલ્મની સ્ક્રિપ્ટ વાંચી ત્યારે તેમણે મને સલાહ આપી કે 'બડે મિયાં છોટે મિયાં' ફિલ્મ કરવી શાણપણભર્યું રહેશે, નહીં તો ફિલ્મ રિલીઝ થયા પછી મને પસ્તાવો થશે. સાલારનું વિશ્વભરમાં બોક્સ ઓફિસ કલેક્શન 617 કરોડ રૂપિયા હતું. ફિલ્મ 'સાલાર 2' પાસેથી ચાહકોને ઘણી અપેક્ષાઓ છે.