પોરબંદર 
અરબી સમુદ્રમાં એક ફિશિંગ બોટમાં માછીમારી કરી રહેલ માછીમાર બપોરે ભોજન લીધા બાદ ઊંઘી ગયો હતો અને ત્યારબાદ તેનું ઊંઘની હાલતમાં જ મોત નીપજતા ભારે અરેરાટી ફેલાઈ છે.
વલસાડના નાની દાતી ગામે રહેતા રાકેશ ગોવિંદ ટંડેલે પોરબંદરના નવીબંદર પોલીસ મથકમાં એવું જાહેર કર્યું છે કે,નવસારીના સોમનાથ-લીલીમોરા ગામે રહેતો ભાવેશ હસમુખ સરૈયા (ઉ.વ.૪૯) તા.૧૪/૮ ના ફિશિંગ બોટમાં રાત્રે ૧૨:૦૦ વાગ્યે માછીમારી કરવા માટે નીકળ્યો હતો અને તા.૧૭/૮ ના બપોરે ૪:૦૦ વાગ્યે નાની દાતી ગામના દરિયાકિનારાથી ૨૫ નોટીકલ માઈલ દુર સમુદ્રમાં ફિશિંગ કરતા હતા ત્યારે બપોરના સમયે ભાવેશ ભોજન લીધા બાદ ઊંઘી ગયો હતો,અને જાળ ખેચવા માટે તેને ઉઠાડવામાં આવ્યો હતો પરંતુ કોઈ અચોક્કસ કારણોસર તે ઊંઘમાં જ મૃત્યુ પામ્યો હોવાનું બહાર આવ્યુ હતુ અને તેની પોસ્ટમોર્ટમ સહિતની કાર્યવાહી કરવામાં આવી હતી.