કૌટુંબીક ભાઇઓ વચ્ચેની બબાલથી ચકચાર : ઇજાગ્રસ્તોને જામનગર ખસેડાયા

લાલપુરના સણોસરી ગામમાં માથાકુટ થતા ભારે દોડધામ મચી ગઇ હતી, હુમલામાં 3 વ્યકિતને ઇજા થતા સારવાર માટે જામનગર જી.જી. હોસ્પીટલમાં ખસેડવામાં આવ્યા છે.

જાણવા મળતી વિગત મુજબ લાલપુરના સણોસરી ગામ ખાતે વાડીમાથી રસ્તો કાઢવા બાબતે બોલાચાલી થતા કૌટુંબીક ભાઇઓ વચ્ચે ડખ્ખો થયાનું જાણવા મળ્યું છે, દરમ્યાન હથિયારોથી હુમલો કરાતા 3ને ઇજા પહોચી હતી.

ઇજાગ્રસ્તોમાં રણમલભાઇ ગાગલીયા (ઉ.વ.45), ભરત વીરાભાઇ ગાગલીયા (ઉ.વ.37) અને સામત નાથા ગાગલીયા (ઉ.વ.35) નો સમાવેશ થાય છે આ ત્રણેયને સારવાર માટે જામનગરની જી.જી. હોસ્પીટલમાં ખસેડવામાં આવ્યા છે, બનાવની જાણ થતા પોલીસ ટુકડી દોડી ગઇ હતી અને પ્રાથમિક વિગતો જાણી હતી દરમ્યાન ફરીયાદ લેવા તજવીજ ચલાવવામાં આવી રહી છે.