રાજકોટમાં ઉનાળો આવે ને પાણીનો પ્રશ્ન ઊભો થાય. અનેક સોસાયટીના લોકો મનપા કચેરીએ પણ પોતાના પાણીના પ્રશ્ને રજૂઆત કરવા આવતા હોય છે. ત્યારે આજે ગુજરાત હાઉસીંગ બોર્ડના ક્વાર્ટરમાં પાણી પ્રશ્ને રજૂઆત કરવામાં આવી હતી. 

ગુજરાત હાઉસીંગ બોર્ડની ઓફિસ ખાતે સ્થાનિકો પાણીની ડોલ સાથે પાણી આપોના નારા સાથે રજૂઆત કરવા દોડી ગયા હતા. મહત્વનું છે કે, દર ઉનાળે નર્મદાના નીર ડેમમાં ઠાલવવામાં આવતા હોવા છતાં પાણીની સમસ્યા યથાવત રહે છે. કેટલાક તો એવા પણ વિસ્તારો છે જ્યાં હાલ ટેન્કર મારફતે પાણી પહોંચાડવામાં આવે છે. 

પાણી પ્રશ્ને આજે ગુજરાત હાઉસીંગ બોર્ડના ક્વાર્ટરના ધારકો ઉગ્ર બન્યા હતા. નારેબાજી સાથે પાણીની સમસ્યાનું તાત્કાલિક નિરાકરણ લાવવા રજૂઆત કરવામાં આવી હતી.