રાજકોટ માર્કેટ યાર્ડમાં ઘઉં સાથે મસાલાની સિઝન જામી છે, આજે મરચાની ભારીઓથી છલકાઇ ઉઠ્યું હતું, આજની હરાજીમાં સુકા લાલ મરચાની ૧૮૦૦૦ મણની આવક સામે પ્રતિ ૨૦ કિલોનો ભાવ ૨૨૦૦ સુધી ઉપજયો હતો. નવી સીઝનની ભરપૂર આવકો શરૂ થતાં આજે ખેડૂતોના કુલ ૯૦૦થી વધુ વાહનોને એન્ટ્રી અપાઇ હતી.

વિશેષમાં રાજકોટ માર્કેટ યાર્ડના ચેરમેન જયેશભાઇ બોઘરાએ જણાવ્યું હતું કે, આજે કુલ ૯૦૦ વાહનોને એન્ટ્રી અપાઇ હતી જેમાં સૂકા મરચા ૧૮૦૦૦ મણ સૂકા મરચા આવ્યા હતા. જ્યારે ચણા ૧૮૦૦૦ મણ, જીરું ૨૨૦૦૦ મણ, તુવેર ૧૦૦૦૦ મણ, ઘઉં ૨૬૦૦૦ મણ અને કપાસની આવક ૧૪૦૦૦ મણ થવા પામી હતી.

રાજકોટના બેડી માર્કેટ યાર્ડ ખાતે ઉપરોક્ત તમામ જણસીઓ ભરેલા વાહનોને સેક્રેટરી બી.આર.તેજાણીના માર્કેટ યાર્ડમાં ક્રમવાર પ્રવેશ આપી ઉતરાઇ કરાવવામાં આવી હતી. આ વેળાએ યાર્ડના ઇન્સ્પેકટર કેતનભાઇ ઝાલાવડીયા, ઓકસનર સ્ટાફ તેમજ સંદીપભાઇ કારીયા સહિતના સ્ટાફએ વ્યવસ્થા જાળવવા જહેમત ઉઠાવી હતી.