રાજકોટ TRP ગેમઝોનમાં આગ પહેલાનો વીડિયો હાલ સામે આવ્યો છે. જેમાં જોઈ શકાય છે કે ઘટના સ્થળ પર વેલ્ડિંગ કામગીરી ચાલી રહી હતી. એ દરમિયાન ગેમઝોન પણ શરૂ હતો. એટલુ જ નહીં ફોમ શીટનો ઢગલો પણ સ્થળ પર જોવા મળ્યો હતો. મહત્વની વાત તો એ છે કે આટલા મોટા ગેમઝોનમાં આવવા જવા માટે માત્ર એક જ સીડી હતી.

રાજકોટ TRP ગેમઝોન આગ પહેલાનો વીડિયો સામે આવ્યો છે. આ વીડિયોમાં જોઈ શકાય છે કે જે સ્થળે દુર્ઘટના સર્જાઈ હતી. તે સ્થળ પર વેલ્ડિંગની કામગીરી ચાલી રહી હતી. અને આ કામગીરી દરમિયાન ગેમઝોન પણ ચાલુ હતો. આગ લાગ્યા પહેલાના વીડિયોની વાત કરીએ તો વેલ્ડિંગ કામગીરી સમયે નજીકમાં જ ફોમ શીટનો ઢગલો પણ વીડિયોમાં જોઈ શકાય છે. આ ઉપરાંત ઝોનમાં જવા-આવવા માટે માત્ર એક જ સીડી પણ આ વીડિયોમાં જોઈ શકાય છે.

રાજકોટના ટીઆરપી ગેમ ઝોનમાં ગત શનિવારે સાંજે 5 વાગ્યાના સુમારે ભીષણ આગ ફાટી નીકળી હતી. આ અકસ્માતમાં 12 બાળકો સહિત 28 લોકોના મોત થયા હતા. પચીસથી વધુ લોકોને સુરક્ષિત બહાર કાઢવામાં આવ્યા હતા. 

મુખ્યમંત્રી ભૂપેન્દ્ર પટેલે આ આગની ઘટના પર તાત્કાલિક બચાવ અને રાહત કાર્ય માટે મહાનગરપાલિકા અને વહીવટીતંત્રને સૂચના આપી હતી. તેમજ રાજ્ય સરકારે ફાયર એનઓસી ન ધરાવતા તમામ ગેમ ઝોનને બંધ કરવાની સૂચના આપી હતી. અધિકારીઓના જણાવ્યા પ્રમાણે ગેમઝોનમાં આગના સમાચારની માહિતી ફાયર કંટ્રોલ રૂમને મળતાં ફાયર ટેન્ડર અને એમ્બ્યુલન્સ આગને બુઝાવવા માટે ઘટના સ્થળે પહોંચી હતી. આગના કારણે માળખું ધરાશાયી થયું હતું.